نويت ابنكف لكن انكافتي كيف=خسارتي مره وعيني سهيره
من سوق ااسهم مابغيت المعاريف=ياليت راس المال من دون غيرة
تويجري مع جماز ياحيف =نسبه كبيرة ثم نسبة صغيرة
في ذمتي بالوضع كذبه وتزييف=لا شك مال السحت ملعون سيرة
ما باقي الا التمر والسمن والكيف=والشاوي اللي ما يفارق بعيرة

نشدتني كيف النكوفه يابو طيف=ومثلك تمناها جموع(ن) غفيرة
وذكرتني بالسوق سوق التحاسيف=وانا الذي ماريدللسوق سيرة
باتجارته تزييف وارباحها زيف=مثل القمار بحال وبحال غيره
يلعب على اللونين لعب العواصيف=والحب يطحن والرحى مستديرة
مدررري شرينا فيه في وقت تصريف=والا البلا من زيد والا شويره
راحت مثل قصة راع الطير وخليف=يالله عسى في تالي الامر خيرة
وان كان تبغى الراي راي العواريف=انسه ولا تسمع نصيحة شويره
اما رجع كنه يعدي المشاريف=والا مهف مقيط من وكر طيره