انا ياعلي لاجا الليل لانايم ولاسهران=تشايلني هموم بكل صوب ومبتلش فيها
على هالحال يبن زيد ليه حول عشر ازمان=اصورلي صوروهمية ن للنفس اسليها
وبعض الناس يامشكاي يبلشني وانابلشان=بكثرالثرثره وعلومه اللي جا يدربيها
ليامني تسمعته يتعبني وانا تعبان=ولامني لطمته ظيقته ماني باغيها
الايالشاعرالوافي الايسلالة الشجعان=ابيك تدش في جوالبيوت مدققآ فيها
والايالله يالمعبوديالوالي عظيم الشان=تفرج ضيقتن بالجوف غيرك مادرى فيها
انا مشكاي لك وحدك ولااشكي على اي انسان=بلا الشكوى لغيرك باطله ويخيب راجيها

يابن حماد ماش قلوب ماهي للشقا مسكان=عدا قلوب البهايم والقلوب اللي تحاليها
ترى مانت الوحيد اللي جرى همه مع الشريان=تعانيلك همومآ مثلك العالم تعانيها
يصارعها اللبيب المتقي في طاعة الرحمن=يعرف ان النفوس بماتحوش الله يجازيها
لكن حلق بحلمك بالفضاء لو مامعك جنحان=وسل النفس لعل وعسى ربك يسويها
يقولون الاوايل عش بعزك والكريم معان=يضيق العيش لولا فسحة الآمال نبنيها
وسفهك للسفيه يوضح انك لك مقام وشان=هروجه خلها تلقى لهاناسآ تجاريها
لياماناشت الوجه العزيزبهرجة البهتان=تمررها تقل ماوحيتها لوانت موحيها
وطلبت الواحد المعبود سبحانه هوالمنان=عسى ذنوبك ولي العرش يغفرهاويمحيها