= ( فمان الله )
كل الجروح الطب يلقا لها علاج = إلا ّ جروح الحب يحتار فيها
أنا ذبحني من هوى الزين وهاج = يا حظ من هو بالعرب محتويها
صادفتها من دون موعد ومنهاج = تمشي وكل الخلق تنظر عليها
زينه طبيعي لا هو صبغه ومكياج = الزين كنّه حلة ٍ مكتسيها
كلمتها بشويش .... يا زين محتاج = نفسي على لقياك لا تمنعيها
ون كان ما فيها عليكم من إحراج = من وقتكم ساعة يا عمري أبيها
ساعة مرح يا زين مع فلة حجاج = أبيع عمري لجلها واشتريها
ون كان مني يحصل بيوم إزعاج = علاقتي بالحال معك أقطعيها
قامت تبسم وقالت أرجوك بغناج = أبعد فمان الله ورفعت لي يديها
ما بيني وبينك عراقيل وسياج = وماكل واحد يقدر أنه يجيها
من يومها والقلب كنّه على صاج= أعاني رياح الهوى واصطليها
يا الله ما غيرك جالي الهم فراج =تفرج هموم ٍ في الحشا أكتويها
يا من جمعت الخلق في الموعد أفواج = تغفر ذنوبي ... والنفوس ا تهديها
=شعر / ضيف الله البدراني ( أبو وليد )

كل الجروح الطب يلقـا لهـا عـلاج
إلا ّ جـروح الحـب يحتـار فيـهـا


صح لسانك اخوي ابووليد على هذي القصيدة الجميلة

وتقبل تحياتي