يا من بزينك ملكت التاج = وغيرك من الناس تكميله
ما عندكم للعليل علاج = يقضي على الجرح ويزيله

مازال في سكه الإنتاج =واللي تحراه يا حليلة
يضوي على ظلمته بسراج =ويكفف الدمع منديله

يا اللي سنا خدكم وهاج = والحسن شايلك وتشيله
سببت لي فلملأ إحراج = والقلب باسبابكم ويله

نمشي على سالك النهاج =وكلن يعاصر فتى جيله
هذا جوابي لكم منهاج = نوزن لك الحرف ونكيله

لا تعتلي في سما وابراج = الوقت لابد له ميله
انظر على يوسف الحجاج = ما فاد ظلمه وتظليله