صنيتان ضاق إبي الفضا ونتها الدور = والأيـــــام كـــــل الـــــي عـمــرتــه دمــرتـــه
وصـبـحـت كـــن الـكـبـد تـصــلا بــدافــور = والـقــلــب وجـــعـــات الــيــالــي ســمــرتــه
والصـدر ضـاق وبالهواجـيـس محـشـور = وعـزي لـمـن صــدره إهجـوسـه إحشـرتـه
عــلــيــل يــمــشــي مــايــداويــه دكـــتــــور = لـــــــو الأطــــــــب كــلــبــوهــا احــضـــرتـــه
يمـشـي عـلـى ماتـكـره الـنـفـس مـجـبـور = يهـيـف غصـنـن يـابـسـن فـــي شـجـرتـه
إمــه عــن الـمـا جالهاإسنـيـن وشـهــور = مـــن زولــهــا تــحــزن عـيـونــن نـظـرتــه
هـاذا مثـل مـن شـاف فـي وقتـه الجـور = دنــيــاه عــــن شــيـــن يــريـــده عـســرتــه
أحــدن بـهـا يمـشـي سعـيـدن ومـسـرور = مـــادهـــوره وقـــتـــن تــصــافــق غــبــرتــه
وحــدن بـهــا يـمـشـي مـعــذب ومـقـهـور = يـبــغــا الــعـــلا مــيـــر الــيــالــي قــهــرتــه
هـاذا وجعلـك مـن عـنـا الـوقـت مـاجـور = والــــي خــفـــا بــانـــت بـفــكــري نـشــرتــه
وتـــم الــجــواب الــــي بـنـيـنـاه بـسـطــور = ومخفـيـت عـنـك أبـديـت مـوجـز ثـمـرتـه
الشاعر /نواف منيف الرحيلي
وهذا ردي على نواف المنيف
أبـشــر بــعــزك وانــــت رجــــال مـخـبــور = إسـمــك شـهــر بـلـعــز والـطـيــب زرتــــه
والــي تـبـي قـلـي وانــا أقـــول مـســرور = إلـيــا إنـكـسـر عـظــم إبرفـيـقـي جـبـرتــه
حربي واشيل الحمل عن حرب مجبور = فــــي الـحـمـيـا عــــرق قـلــبــي فـجــرتــه
إليـا نخـانـي واحــدن مــن هــل الـشـور = قــريــحــتــي درب الــمــعــالــي عــبـــرتـــه
والطيـب لهـل الطيـب منـهـج ومخـبـور = وقــــت الــلــزوم إيـبـيــن لــــك مـاذكـرتــه
والأ الــردي خـلــه تـــرا مـانــت مـجـبـور = خــلـــه يـــــروح ويـنـقـلــب فــيـــه فـــرتـــه
مـاعـاش مــن هــان الرياجـيـل معـثـور = مـثـل الغـصـون الـلــي تـصـاقـط زهـرتــه
والا الــزمــان يـــــروح ويــلـــف ويـــــدور = ومـصـيـر حـــي الـنــاس نـاســن قـبـرتـه
مير الحضيض الي لـه الديـن دستـور = يـومــن بـــه الـمـسـلـم يـحـصــل ثـمـرتــه
ويـاالله عسـا الجـنـه ومدهالـنـا الـحـور = مـنـزالــنــا يــــــوم الــحــشــر لاحــشــرتـــه
ويالله عـسـا دربـــي ودربـــك لـنــا نـــور = والمـسـلـم الـمـومـن لـــه الــــدرب نــرتــه
وسـلـم وسامحـنـي وانــا أقــول مـعـذور = والـــي وصـلـنــي جــــاك مــــردود كــرتــه
الشاعر/صنيتان صالح البدراني