جالس أهل العلم ورجال الشجاعه
ماتريح خاطري لو ربع ساعه = كل ساعه همها يبرى سببها
يالله المعبود تعطينا القناعه = نار قلبي غير زادوا في حطبها
كل كلمه عند حفاظ ألوداعه = حافظ الجابات بالسرعة كتبها
قلتها من هم قلبي والتياعه= من هواجيس تعّب من حسبها
مير بعض الهرج ياشين استماعه = من خلائق يامحمد شان أدبها
يالله إني طالب منك الشفا عه = فارج الكر بات حلال لنشبها
يعلم الله ما نحب أهل الدناعه = ولا نعاشر ناس مايعرف نسبها
وفي بعيد الدار طاردنا الطماعة = والمراجل تتعب اللي مرتغبها
يامحمد خذ نصيحه لك نفاعه = والنصيحه أهل الشجاعه تفرح أبها
طاعة المعبود هي أزكى بضاعة = وطاعة الوالدين خلك مكتسبها
وابن عمك حشمه وأيضا الجماعه = والرحيم وكل ناس تقتربها
جالس أهل العلم ورجال الشجاعه =واترك الأنذال لأتقرب عربها
لا تصادق غير من تعرف طباعه =لا تصادق ناس ماتعرف حسبها
صادق أهل المعرفة وأهل السنا عه = إن وقعت بمشكله حلو نشبها
والختم صلوا على راع الشفاعه = عد رشراش السحابة من صببها
عبدالمطلوب البدراني