كنت الأسبوع الماضي عند ابو خالد وقال لازم
تجاري ابو وليد بالكسرات والصراحه اني اتشرف
بمجاراة أستاذ من أساتذة هذا الفن ولكن الكسره
تحتاج شاعر متخصص يجيدها وانا ماعندي خبره عنها
وابو خالد شكله متعمد يوهقني ..
بعد إصرار ابو خالد على مشاركتي
حبيت ان تكون اول محاولاتي بالشقر
هذه بعض المحاولات
ضيف الله الموجود والحاظر=شاعر وفنان بالكسره
وبالنحو ماضيه والحاظر=ماترفع الافعال بالكسره
هذي عن وفاء البدارين والصراحه
اني افتخر بوجودي معهم
بالشعر مدرك وفاهم=بالمنتدى مع بدارين
كلي فخر في وفاهم=والناس ماهم بدارين
مدح في قبيلة حرب
حربي وربعي حرب=ربعي ومنزالهم عالي
في سلم والا حرب=سقمن لمن عالي
هذا واحد ضايق خلقه حتى مع اصحابه
ياصاحبي مالك ومالي=ما اريد قربك ولاماك
لا يختلط مالك ومالي=ما اريد زادك ولاماك
الفرق بين الكريم والبخيل
راع الوفا لو فنا جيله=ذكره بقى عزي لحاله
والنذل لو كثر فناجيله=يقعد على قهوته لحاله
هنا الجزاء من جنس العمل
الحر بالجزلات معروفي=يعرف بمعروفه وجوده
والبوم مافيه معروفي=غيابه يشبه وجوده
هنا طالب يطلب من المعلم إحظار المتهم
يامعلم الكسره ترا طالبك=لقا ابداعك بالمنتدى خالد
انكان بابياتي خلل طالبك=للمحكمه جيب ابو خالد
أخيراً اتشرف بوجودي في منتدى البدارين
وأعتذر من الجميع إن حصل مني زلة او خطاء
غير مقصـــود ,