يابلسم جروحي دواي وطبي = عيني عليك من الوله سهرانه
الدمعه اللي تنسكب ياحبي = اكيد من كثر البطا ولهانه
طول غيابك والغلا يلعبي= وفكار راسي بالسبب حيرانه
لبى النداء ياصاحبي واللبي= اكفوفنا باللي تبي مليانه
بيض المزون اللي عليك تصبي= عشرين عامٍ بالوفاء هتانه
ماوقفت لو الوطن يشتبي= تسقي عروق المضغه العطشانه
يعلم بحالك ياغلايه ربي= متى تعود بنظرةٍ ندمانه
ماتدري ان الذنب ماهو ذنبي= مالي دخل بظنونك الخسرانه
مليت من بعدك تعال بقربي= كثر الصبر هد الحشاء وركانه
هواك يالعب بالحشاء لاهبي= خلا هواجيس الفكر حنانه
طيفك مع انسام الوله غربي=يسريبي بالليل الدجا سلطانه
تعال ريح في حضورك قلبي= طال انتظاري في بحور الدانه