قم ياخويي للشاعر فيحان منور البدراني
قم ياخويي ضاق صـدري بهوجـاس =دقت على قلبي همـوم بهواجيـس
ابـي اتمـشـى بـديـره مابـهـا نــاس =ماقيل فيها ناكـس الـراي والهيـس
غيرالصقور اللي على وصف قرناس =تاخذعـلـى طردالحـبـاري مـراويـس
الـبـر ربــع ماحـلـى فـيـه مـجــلاس =بعدالتعـب فنجـال وحـنـا معامـيـس
فيـه ام سالـم صوتهـا كنـه اجـراس =من الطرب تلعب وهي تلعن بليس
ابعدعن اللى شوفهم يوجع الـراس =شـوارع فيهـا الوجـيـه المناحـيـس
يقولـه اللـى ضايـق الصدرمنـحـاس =مـخـاوي ذيــاب الصحارالعواسـيـس
شبـاب لاكنـه مثـل شايـب الــراس =مـن كثرماشـاف بزمانـه حواسيـس
ياكثرماجـرب مـن الصـعـب بقـيـاس =والله لتعجزعـنـه بـعـض المقايـيـس
شبـاب لكنـي مثـل شايـب الـراس =من كثـر مااخـذت بزمانـي تداريـس
للشاعر فيحان منور البدراني
آخر تعديل عبدالمطلوب مبارك البدراني يوم 16-08-2011 في 12:00 AM.
|