[تركي الزايد]

هاتان قصيدتان لفهد ذعار البدراني والثانية لخلف محمد البدراني احد هواة الصيد البارعين
وقد تعرض لبعض الاحزان عندما فقد طيرة عزام بالموت وهو يلاحق كروان في حادثة غريبة جدا لمن راها والاخرى بموت طيرة (كساب) بعد عودته من احد المقانيص قبل اسبوعين وقد اصطاد كساب احدى الحباري التي وجدوا
وكان الصقران من اعز طيور خلف لدية
فالاول كان مسيوم 40000 ولم يبع
وكساب 15000 قبل اصطياد الحبارى
واليكم صور لكساب والقصيدتان

اللي نعوضه غير ومن نفقده غير=يابرق ياللي في دجى الليل لاحي
دام الليالي مقبلات ومدابير=عد هماج وعد منها قراحي
مادام راسك حي مانفقد الطير=لوهو من طيور السعد والفلاحي
قبله فنا عزام عوق المعاشير=وكم نادرن مع راعي الطيب راحي
انا ادري ان اللي حصله مقادير=باسباب والاسباب مامن صلاحي
ياما نصحتك عن كثير المشاوير=يبلشك راس غليص ولا مناحي
واللي غدالك شر واللي بقا خير=مير اشكر اللي طول الايام صاحي

------------

تسلم وتبقى ياعشير المناعير =عضيدي اللي معي مثل السلاحي
الطيرعقبه طير مامن مخاسير=وين العوض بمتيهين الطياحي
ربع لهم في قمة المجد تسطير=افعالهم تذكروماراح راحي
لوفيدين العبد حكمه وتبصير=ادرك سبيل المصلحه والكفاحي
لاتلومني فاتت على كليب والزير =سحاب صيفن مع هبوب الرياحي
لله قسمه في عباده وتدبير=ولا احدن بهالدنيا جلس واستراحي