اقتباس:
المشاركة الأصلية كتبت بواسطة تركي الزايد
راكب اللي مشترينه يوم حده =والغليبه فيه ماتحسب غليبه
لا عطاله مع عبال مجرهده =الجهاز وذبذباته ما تجيبه
منوة اللي يوصل العلم ويرده=وتاق للمسيار وزيارة صحيبه
ضافي بن دليم لا عدو نعده=ونعتزيبه في نهار نعتزيبه
اشهد انه سيف بنصابه وحده=ينبديبه للرجال وينعديبه
واشهد انه للخوي يبدي موده=واشهد انه ذيب بالدار المذيبه
والجماله طبع ابوه وطبع جده= والخوال معنزينه بالجذيبه
والشقيق اللي لبس للطيب قده=والشرف حطه على متنه وجيبه
ياعسى غبر الليالي ماتضده=وياعسى الجزلات يكسبها نصيبه
رحت انا وياه بالمشوار مده=وكل مازادت مسافة زاد طيبة
يا نديبي وصله علمي ورده=واعتذرلي منه بعد ذيك المغيبه
صدتي يا بو بدر ماهي بصده =بس عند الذود وظروفي صعيبه
ودي اودهله مثل ناس توده=قبل لا تركز على راسي نصيبه
مر اقول الزعل صيف بجده=ومر من قرب الزعل بتعصيبه
وشفت بعيون الجمال اغراض عده=ما يبن اسباعهن منهن قريبه
ما حصلي مع هل الطولات هده=واتعبت قلبي معينة النجيبه
وراضي باللي كتب ربي ومده=واعرف الارزاق ماتوخذ غصيبه
يا وسيع العرف مثل سهيل قده=ويا ترى يخط الهدف مدري يصيبه
والتحية مع شذا العنبر ونده=ويا هبوب المسك هبي واسكنيبه
عقيل حمد السامود البدراني |
الغالي تركي
تراك راعي جميل بنشرك لشعراء البدارين
وبيض الله وجهك
جزله وقمه ومن قمه لقمه
صح لسان عقيل ويستاهل ابو بدر
الف الف الف تحيه
ولاتكفينا القصيده هاذ ي
ننتظر المزيد