[عبدالمطلوب مبارك البدراني]

مشاورٍ حرمته وإن جاه راعي لزوم =
يقول أنا أقضي لزوم الرجل والا أزهله
انشهد إنه كماها في جميع العلوم =
ما أشوف بينه وبين الحرمة مفاضله
وارفع عقالي لكل اهل الوفاء والقروم=
للي إذا جاه طالب حاجةٍ ما خذله

وهذه مجاراة لابياتي هذه من الشاعر /
ماجد ضيف الله السهكر البدراني

أمشـــاورٍ حرمته سكين فيهـــا ثلـــوم =
سكين في شوفها والديك ما تقتله
وندعي عسى ما يصادفنا ضعيف العزوم=
الضلع ما يطلعه والبير ما ينــــزله
تلقاه غير ايتبــاها في جديـــــد الهــــدوم =
وعن واجبات الرجال انصحك لاتساله
والخير مــــوجود الين القيامه تقـــــوم =
تلقى صوانـي تمـر مع دلـه مهيله