قصيدة أعجبتني للشاعر بدر الحويفي
الناس لو حاولت تكسب رضــــاهم =لا أرضيت واحد زعل منك عشرين
امـــا تــــجاملهم وتــــتبع هـــواهم=بوالا تجنبهم يقولون مســـــــــــكين
هذا وأنا مالـــــي مقــــاصد وراهم=مهــما سمعـــت وشفت بمجرد العين
مالــــــي ورا عـــــقالهم واسفهاهم=لعلــــهم منــــي يكونون راضــــين
واقدّر الـــوافين وادمـــح خطاهـــم=وابعد مــحاضيبي عن المنطق الشين
واطلب عسى رب العبــــــاد يهداهم=واسعى لهم بالصلح لاشـفت مخطين
والناس قدر اعـــــقولهم مستـــواهم =وعند العـــوارف مـــاتميل الموازين
عند الرجــــال اللي بعيــــدٍ مـــداهم=يمشون مع سلم العرب والقــــوانين
نقل النقيلــــي ما يكــــدر صفـــاهم=أهل العقول بكل حـــــاله حكيمـــين
يــــــردهم عن كل زلــــه حـــياهم=خوفٍ على السمعه ولاهـــم غــبيين
الله على طيب المكـــــــارم قداهــم=في منهج الدنيا وفـــي منـــهج الدين
تبين اشارات الوفاء مــــن نــــباهم =قواعد الشيمـــــه عليها حـــريصين
كرام الســـــــبال اللي يذري ذارهم=لعلــــهم دايــــم على العـــــز حيين
اذكر مكارمهم ولا أنكــر جــــزاهم=لو كان عن مدح الحويفــــي غـنيين
أهل الوفاء والطـــيب يذكر ثـــناهم=واضعاف الأنفس مالهم بالفخر شين
والناس يعــرف طـــيبهم من رداهم=للشمس نــــور وللـــحقايق براهين
والله خلقــهم من تــــــراب وبناهم=وخلق لهم من كل الأنــواع زوجين
وارزاقهم من عند خــالق ســـماهم=فقيرهم واللي رصــيده ملايـــــين
الدايمــ الله والفنـــــاء منتــــهاهم=وكـلٍ وما حصل من الشين والزين
عالم ســـرايرهم وعـــــالم خفاهم=يحكم ولا تحكم عـــليه السلاطـين
شكّل طـــــبايعهم ونوّع لغـــاهم =وانشأ لهم فوق البسيطة عنــــاوين
ومن فيض جوده وامتنانه عطــاهم=وسخر لهم صم الصخر والحياوين
لاهو بحاجتهم ولا فــــي رجـــاهم=وعنده حساب المهتــدي والمضلين
بلغّهم احكامه بهـــدي انبــــــياهم=المهتدي واللي عن الحق عـاصين
ربٍ ليا نادوه يســــــمع نــــادهم=الواحد الفرد الصـــمد منزل الدين
ويعلم تواضعهم ويــــعلم قســـاهم=واللي على هدي النبـــي مستقيمين
وعصاة خلق الله جــــهلهم عماهم=اعقولهم تلعب علـــــيها الشياطين
ينسون خوف الله وهـــو مانساهم=رب الفلق منزل تــــبارك وياسين
ندعي لهم بهداية اللـــــــه عساهم =يهديــهم اللـــي كوّن آدم من الطين
اللي لمرضاته رســـوله دعـــاهم=وصلوا على الهادي شفيع المصلين
تقبلوا صادق الود