مساك الله بالخير وصح لسانك يابو عبدالله
وتعودنا على الجزل والطيب والطيب ماهو غريب
من اهل الطيب الله يبيض وجهك والله انها برايي
اجمل ماقريت لك والله يزيدك من الزين والجزل...
البـن الاشقـر بفنجـال الوفـا امـده
والعود الازرق يساق لذرب الايمانـي
والنفس ماهي علـى الرديـان محتـده
ابغض لاشوف الردي لوهو من اخواني
بيبـان فكـري عـن الجهـال منـرده
ولا عن اهل الوفـا ماصـك بيبانـي
اتـوق لاشـرافـة المـرقـاب ووده
وبـوي لرقابتـه مـن قبـل وصانـي
وعزومنـا ماهـي لمرقـاه منـهـده
مادام صاروا هل الطـالات جنحانـي
وكان القـراده بـزور شعيـل مشتـده
مااخلي امتان جسمـه تقـرب امتانـي
ومجرى شعيبن يجي مـن يمـه اسـده
من قبل سيله يصل لعروق الاغصانـي
ومايطيح بالجرف رجلآ شوفـه يمـده
وبعض التجارب دروس بمر الازمانـي
ولاكـل حـرآ عليـه تحـط الاشـده
ينسب لجيشآ قناه الشيـخ ابـن ثانـي
وجيـه مبيضتـن ووجيـه مـسـوده
وكلآ من افعـال كفـه ذكـره يبانـي
والثـوب مانـي علـى لباسـه اقـده
الله يستر على القاصـي مـع الدانـي
الله يبض وجهك ويعطيك العافيه...