[سند مازن]

باسم الولي ابدا بترتيب الاشعار=جل وتعالي الله ماله نظيري
سبحانه المولى نصر صاحب الغار =حتي ظهروسط المدينة بشيري
تعبير صادق ينشرونه بالاخبار =ماخالطه زيف المشاعر خشيري
في حفلة فيها النشاما والاخيار=جابتهم الدعوة وحب الاميري
هذا ربيع القلب يوم الحفل صار=يجمع نشاما للمزاين تسيري
اهلا هلا يامرحبا سر وجهار =واهلا هلا ترحيبة من ضميري
احلي من السكر علي در الابكار =اللي رعت نبت الوسم بالمحيري
تقطف زماليقه خزامي ونوار =ماكفته بلغه لواد الجريري
من ذود قرم ينطح الخيل والنار=زيزوم ربعه ريف حال القصيري
وازكي من الازهار في جال الانهار=يوم العبير يفوح غادي نشيري
واهلا هلا تعداد هتان الامطار=يوم استغاثوا بالعزيز القديري
واردم سحاب وازدحم وقت الاسفار=وقامت ودادينه تهل الغزيري
واخذ ثمان ايام هتان قطار =ماضر مسلم حاير بالغديري
هذا شعوري يوم تشريف الاحرار=اقوم وانطحهم بوجه سفيري
واهلي بترحيب يجذب للانظار=يشبه لألماس بسلك حريري
وإلاكما عود علي جمرة النار =أزرق معتق بالمتاجر عسيري
هذا شعوري والشعر قال الأسرار=ومن خاطري جات المعاني صديري
وصلاة ربي عد ماقيل وإندار=علي نبي بالرسالة بشيري

سند مازن المعمرى(مسافر بدري)