قصيدة للشاعر فلاح مشعل البدراني
ياراكب اللي مشا من عندنا سيده=من دفعة الفين باول يوم واردها
أليا انطلق مع مسارآ تصرد ريده=أرضا ماوطيت وخل الجيب يجلدها
جلد برديآ تصرم من رواعيده=من مزنتآ هلت الماء وزاد راعدها
جيبآ تحت رادة الله يدني بعيده=ديار يدنيها وديارآ يبعدها
لي لازم بالشمال ولي تسنيده=نخلص من رجال ورجال نسددها
ملفاي شيخآ شرهنا من مواعيده=لي اسنتين مواعيده يمددها
واعدني العيد مير اليوم وش عيده=ينهي مواضيعنا وإلا يحددها
شيخآ يحوش النعم بالفعل ويزيده=حموله ماتردى من عوايدها
أبوه يذبح لضيفانه مفاريده=ذباح حيلآ مع مدور فوايدها
وابوسلطان والله ما اغترب جيده=متعب جدود اليا عدت عدايدها
على الدويني بعيدات مواريده=وراع المراجل الاوادم مايتسيدها
بنيت بيتي وقفته على الميده=قلت انتظر للمهندس عقب عمدها
يالين تاصل ردود الخط ونعيده=ثم اضرب حساب ناقصها وزايدها
كل مانشت ضلعآ صكنى حيده=إما فزعلي النداوي رحت مع يدها