يقـول مـن يكتـب نــوادره قصـايـده = لادق هـاجـوســه لـسـانــه يـعــدهــا
مغيـر انـا والهـم والـقـاف و القـلـم = وريس عصابتهن بصدري يحدها
مـن ماتشـوف العيـن الا واهوايلـه = نــاس لـيـا قـلـت الحقـيـقـه تـردهــا
قلـت الحقيقـه يـا بشـر مــا تـزعـل = قلبـي مولـع فـي غــلا مــن يـودهـا
لاسلهمـت بالـرمـش والا تبسـمـت = المـوت شفتـه فـي طــوارف خـدهـا
العنق عنق اللى عن الماء مذيره = مـن طلقـة جتهـا وصــارت سـدهـا
وزمـــت نـهـدهـا مـابـعـد زم بـــادي = توه على اول زمت الصـدر شدهـا
وفلـه جدايلـهـا كـمـى ليـلـه الـدجـا = جــدايــل فــــوق الــردايــف تـكـدهــا
وجميـع مـا فيهـا تـحـلا مــن حــلا = مــحـــد يـحـالـيـهــا ولـــحـــد قـــدهـــا
واليوم يالغالـي وش الـراي عنـدك = ابغـا سمـان الـهـرج لاجــاء جـدهـا
انــت فهـيـم ومــن رجــال لاعـتــزو = دايـم عـلـى الـطـالات يــدك تمـدهـا
يا مفسـر الاحـلام لاجتـك الحجـج = لا تــواخــذ صـنـيـتــان راح بـيــدهــا
وختامها صلـو علـى سيـد البشـر = اعــداد مــا سـحــب تـمـاهـل نـدهــا