صفي لنصرة محمد مثل صف الجنود=وارفعيله بيرق الحق والقاسي يلين
والله انا دون عرضه مع القدره نذود=وابتلشنا في تخاذل شعوب المسلمين
للمشاعر قيود وفي يدينا قيود=يابيوت الشعر مابين خشم وبين عين
الفتايل ذاقت النار من قدح الزنود=ولعوها نار والله على الكافر يعين
الدنماركي وجبنه لعله مايعود=في زمنا يازمنا ترى مستضعفين
وش يصير اليا قطعنا الصوادر والورود=ارضنا تنتج ذهب والرحى تطحن طحين
ضاعت الكلمه وضعنا وفرقنا الحسود=ثم ساد ويدحم الدين بالجنب المتين
مجدنا ماضي ولكن حاضرنا شرود=كننا بالشعر وحروف حربه مكتفين
يالله بيومن تذل النصارى واليهود=في نهارن يشرق النور والنصر المبين