يا قايلن وش فيك مامن عوافي

[سمو الحرف]

بسم الله الرحمن الرحيم

هذي قصيدة "لشاعر الجار" الشاعر الكبير/عبدالعزيز بن حمود أبا العون المرواني الحربي "رحمه الله" حيث انه يعرف بأنه من اعلام شعراء قبيلة حرب ويطيب لنا في هذاالمقام ان نورد أحد قصائده التي قال فيها :

ياقايــلن وش فيــك مـامـن عـــوافي *** الله مــن قلـــب همومـــه مراديــــف
عيــــا عليــــه لا يـقـــر اللحــــافـــي *** ليا جـيت ابـرقد كن جنبي على حيف
يا لــوف قلبي لــوف قشعن مشافـي *** لوف الهواء لغصون قشعن مشاريف
عليــه مـن يمــة صــبا نجــد سافــي *** تلوفــه الغربــي هبــوب وعواصـيـف
مـن هاجســاً بــين المعــاليق خـافي *** واكبــدي اللــي غاديــه كنهــا الليــف
انـــا نهــار العيـــد مــا شــفت لافـي *** ماشـفت انا مظنــون عــيني ولا شيف
وغـديت مثــل اللـي طــواه الهرافـي *** يابــو بـدر يـاشيــن فرقــا المـواليــف
والله يالــولا الحكـم والامـن ضافــي *** وابن سعـود اللـي ولى نجـد بالسيـف
مـارجـع وانا مظـنون عينـي خـلافي *** لـو وقــفـوا دونـه عـيـالن مـزاهيـــف
لهوش هوش التـرك والهوش كافي *** ولا اظن عقب الهوش طيب ومعاريف
امــا خــذيـت الحق يـامنيـف وافـــي *** ولا وقـــعــت ولا عليــــه تـحاسيــــف
ليـا صار عندي كهرب البيت طافـي *** واللــه ماتســوى حيــاتــي زليـغـيـــف
والله يـا لـولا سجـتـي واحـتـــرافــي *** براس الطويـــل اللي طفـوفـه مهاديـف
لا اقنب قنيـب اللي من الجوع هافي *** فــي ليلـتـن غـدرا مطــرها هــذاريــف
يظهــر علــى الربان مثـــل الرعافي *** مــن شـد بَرده كـن مزنـه مـراعيــــف
ياراكــب اللــي يقطـعــــن الفيــافـــي *** جمــوسن علــيها سايقينـــن ملاقيــف
ليـا روحـن مثــل السهــوم المقافـــي *** من فوقهـن يازيـن شيل الغطاريــــــف
ليــا صار انا مبسـوط والجو صافـي *** مع الجماعــه منتهــى غايـــة الكيـــف
ليــا انتهى المشـوار ووقفـن وقافــي *** وصكوا على الفنجال في حاير الهيـف
قلوبـــــهم علـــى بـعضـهم نظـــافــي *** وعـلومــهم ماغــير مـــزح وعجاريف
مــا فيــه حـر وبـرد والجــــو دافـــي *** وحثـوا عليــهن الـعصـير الطهـيـريف
نبــي نـــزورك يالـرفيــق السنـافـــي *** يابـو بدر يامـكــرم الـجــار والـضــيف
انصــاك يـاهـداج لـو كـنــت حـافـــي *** وهـداج مـايـحتـاج كـــر المـغـاريــــف
هـــداج هــــو هــداج مالــه مـنــافـي *** وانته مثل هداج وصــف وتواصيــــف
والله ثــلاث ايمــان ماهــن خـفافـــي *** انــك مــن الوافيــن ماهــي سواليـــف
ناصيــك عمـد وعـن ســواك متجافي *** يـوم انـها ضاقــت علـي المحاريـــــف
باسباب ناس(ن) بالتصرف ضعافي *** تمـت مهمتـهم علـى غـير تصريـــف
علـى عمــاهـا والكـفـيــف مـتـكافـــي *** يلعب بها من شاطـي السيف للسيـف
يــابــن ركـيــان الـهــوافـي هـوافـــي *** مثل الخشاش اللي على النار بالصيف
لــو تطـــرده عنـها يجيـك متـهافـــي *** حكمــه الهيـــة وجـــند(ن) مضـاعيــف
جـند(ن) يـبــذون الخفـى والـخـوافي *** شابـت نواصيهم على الكذب والزيــف
اقبـــل تـحياتــي وهـــذا اعــــترافـــي *** انــك مــن اللـي يحتـمـــون المـواقيــف
عـن نيـة المعــروف ما انت متفافـي *** وعلـى الجماعــه مانت راعي زعانيف
يابعـد فرقــك عـن خطـاة الرهافــــي *** اللـي علـومــه كــل ابــــوها تصانيـــف
ليــا جلـس تقـــول هـذا صـــحافــــي *** كنــــه مكلــف بالسـواليــف تكلـيــــــف
تمـــت وانـا تميـت وانهيــت قافــــــي *** وانـا علـى بـــــدع التماثـيــــل حــريـــف