على سيف جده

[طلال سعد البدراني]

هذه القصيده للشاعر سحمان السبيعي

حميد ياجو على سيف جده = خص ليا ناشه من الغرب نساس
الموج لولا ان الحواجز ترده = ما ينتهي حتى يسلم على الناس
يقفي ويقبل بين جزره ومده = ويرمي عليهم مثل حبات الاماس
يرتاح به من له رفيق يوده = ايبادله صدق المشار ولاحساس
حيد ً يذري من تذرى بسده = قوله وفعله كلها ترفع الراس
ياقف معه اليا اشهب الوقت حده = وقبل الجفاف يبادله بارد الكاس
يقضي لزومه قبل كفه يمده = ويعفيه مما يعمس الخاطر اعماس

وسمع بها الشاعر غازي بن عون العتيبي
وحب انه يجاريها

من عام الاول والمشاعر مصده = دون الرجاء بالشعر يحدها الياس
ولاهي بعن دين الشعر مسترده = لكن ياسحمان من قل الاوناس
من عقب شعر العالم المستجده = الي حنو راسه مثل حني الاقوس
انتاجهم ماينحصي لونعده = وثلاثة ارباعه حبر فوق قرطاس
وانا انتباهي نادرالي يشده = بعد الذهب عوض بقصدير ونحاس
غير الطفوح الي تشوف الموده = عزل العقيد ام الجنايب والاجراس
منها المشاعر شوقها وصل حده = وتبجحت بالربح من عقب الافلاس
البحر طرفه يوم يمك يلده = بعد صدف لك يم شاطيه مجلاس
يوم ان موجه قام يقرب لابده = يقول يابحر الندى عل ما باس
بينك وبينه يابوخالد موده = مودة ً فيها معزه ونوماس
بالاسم قدك وانت بالفعل قده = وانته وهو محدً على ظلكم داس
ويش القرابه بين جدك وجده = حتى بقيتوا مثل مره وجساس

[ساري]

الغالي طلال

السلام عليكم ورحمة الله وبركاته

بيض الله وجهك على هالنقل الجميل وابيات جميله تحمل معاني رائعه

تقبل كل المحبه

[احمد بن حزام البدراني]

السلام عليكم ورحمة الله وبركاته
الاخ طلال سعد
الله يعطيك العافية على نقل القصيدة الرائعة
وننتظر جديدك

[بعيد المراميس]

الاخ الشاعر طلال سعد البدراني بيض الله وجهك على هاالنقل المميز ، قصيده اكثر من رائعه واختيار موفق


تحـــــــــــــــــياتــــــــــــــــــــــــــــ ـــــــــــــي

[تركي الزايد]

الاخ
طلال سعد
يعطيك العافية
وتسلم على النقل