يابدر اخذت بجزل شعرك شهاده

[الشاعر بدر راشد]

هاذي الابيات لشاعر الكبير قدرن وشعرن \ علي ابن زيد البدراني يقول



يابدر اخذت بجزل شعرك شهاده\وسموك قمة شـــعرشاعر ونقاد

والهاجس اللي يســتحق القــياده \ وعلى شوارد قفر الافــكار ينقاد

خلك معه وقطف شوارد هـــــداده\ خاوه وخلان الرخا خلـــــها حياد

دنياك مابين الشقا والســــــــــعاده \ تفنابها الاعــــمار وايامها جداد

والوقت زوده نقــــــــــص ماهو زياده\ ماراح من عمر الفتى راح ماعاد

زرعن تصرم يابوخالد حــــــــــــصاده\ لوتسبح عروقه مع الــجم مازاد

والناس خلــــقت يابدر للعــــــــــباده \ ولاغير تقوى الله غنيمه ولازاد

ورزق الفـــــــتى بيدين خالق عباده \ مايوخذ بقوه وحيله ولاجـــــــهاد

كم واحدن حظه مشا في مـــــــراده\تمشيله الدنيا على كيــــف ماراد

وكم واحدن بالوقت ضاع اجتهاده\ ماشاف من دنيا الغثى غيرجلاد

وكم شيخ قومن طش وقته شداده\ وكم راعين دنياه حطت له شداد







الشاعر: علي ابن زيد البدراني
ورديت على الشاعر علي بالابيات الاتيه===========

[الشاعر بدر راشد]

ورديت على الشاعر علي ابن زيد البدراني = اقول

ياعلي والله ماعليـــــــــه زيـــاده \ لوجيت ازيد الصبر معاد ينــــزاد

بلسم دوا جرحي وشاشت لضـــماده\ ياعلي شعرك لي دوا جرح وضماد

ويشاد في شعرك يابن زيد اشـــــاده\ وانا لمني شت من عرض من شاد

الشعر سيد وله يابن زيد ســــــاده \ علي مقالو له مماليك والســـــياد


الشاعر الي هاجس الــــشعر قاده \ وليا دق هاجوسه له الـــــشعر ينقاد

يسبح به الغربي لغـــــــايت مراده \ ويقطف زهوره من حدايق شهر زاد

الشعر هلحين اعــــــــظميت سواده \ كيد النطبخ ثم النشوا شوي ثم جاد

تصفيف هرجن ماوراه اســـــــتفاده \ المـــــــــفردات الـــــي تردد ترداد

اقرب مثل لشعر مثل الاوســــــــــاده \ تفسخ البايسها وتغســــــل وتنعاد

يبسط على الدنيا جناح الـــــــــــجراده \ لاكن يجيها باخــــــر الوقت جــــــراد


مـــــلف تحقيـــــق وتواقـــــيع افــاده \ ماسول عن ماقــــــول ياقرم الاولاد


الشاعر بدر راشد البدراني

[عبدالمطلوب مبارك البدراني]

الاخ الغالي شاعرنا الرائع بدر راشد البدراني

صح لسانك ولسان الشاعر الكبير علي بن زيد البدراني

واتمنى ان يكون له مشاركات لدينا في منتديات البدارين

قريبا .....

لك فائق التحية والتقدير

[مشاري البدراني]

صح لسانك يابدر راشد ولسان الشاعر علي بن زيد البدراني

رائعه جداً

تحياتي وتقديري

[ياسر بدر البدراني]

السلام عليكم ورحمة الله وبركاته صحت السنتكم