يا تليد المجد وابن الماجد

[عبدالمطلوب مبارك البدراني]

هذه قصيدة بمناسبة زيارة سمو الامير عبدالعزيز بن ماجد بن عبدالعزيز الى محافظة وادي الفرع

أبتدئ باسم الولي سبحانه= فارج الكربة عظيم شانه
خالق الانسان عالم بأجله= مزبن المظلوم عن عدوانه
والمعاني والقريحة زانت= والفرح بادي لنا عنـــوانه
دام أمير الطيب زار الوادي= أبن ماجد عالي المكانه
مرحبا مليون بك يا الغالي= عد ماهل المزن ودانه
الفرع خضّر وشع بنوره = نوركم ضافي على سكانه
يا تليد المجد وابن الماجد = يا حفيد اللي بناء بنيانــه
اسس الدولة على شرع الله= منهجه شرع الله وقرأنه
وسنة محمد نبي الرحمة= والهدف رضا الله ورضوانه
المليك العادل اللي بعدله= حول عداته إلى صــــدقانه
وبعده سعود المليك الفاضل= وطبقوا نهجه جميع اخوانه
وابو متعب عزنا عبدالله= طيّبةٍ معها كثير إحسانه
حاويٍ كل الخصال الزينة= ما احد احصاها بعد لسانه
الشجيع اللي قويٍ باسه= وفارسٍ وان طب في ميدانه
وللسياسة والقيادة ملهم = وحكمه وعدل وربك زانه
والكرم طبعه وجزيلٍ فعله =يا الله انه يحفظه بأمانه
يا صلاة الله على رسول الامة= دعا امته للحق والأمانة

[ضيف اللة عوض البدراني]

صح لسانك يا بو ناصر تقبل مرور ....

[عبدالمطلوب مبارك البدراني]

صح بدنك اخي ضيف الله البدراني

لك فائق احترامي

[مشاري البدراني]

صح لسانك يابوناصر مليووون ولاهنت على هالرائعه

[غانم البدراني]

صح لسانك وأعتلا شانك