غابت ثمان سنيـن حـل وترحـال=غابـت ثمـان(ن )كلهـا مدلهمـه
قضيتها بالحـب والشـوق رحـال=بشوق(ن)تحدى كل يأسـه وهمـه
وسألت عنها سنين وشهور وليـال=ولافيه قطر(ن)غير وجهـت يمـه
وعقب الثمان اللى تعبها بارى الحال=جاب الزمـان الكارثـه والمطمـه
جانى ولدها مبتسم بيـن الآطفـال=ومن بسمته ذكرت أنا بسمـة امـه
صاحـت بداخلـى كـل الآمــال=بصوت(ن)عجزت بكتم الآنفاس ألمه
ركضت له والدمع على الخد همـال=ومن كثر شوقى قمت بالحيل أضمه
ولحظة حضنته والطفل فى يدى مال=.شميت ريحتها على أطراف كمـه
واستلهمت نفسى مقاديـم الآهـوال=وجاب الزمـان الكارثـه والمطمـه
واليوم بنت الناس فى بيـت رجـال=وحب(ن)على غير الشرف لى مذمة
لازم أعود واشتكى لكـل الآميـال=بنفس(ن)حزينـه كاتمـه مستهمـه
باارجع غريب سكته بـر ورمـال=يمـوت يحـى يندفـن مايهـمـه