بيض الله وجهك وماقصرت على القصائد الجزله
من شاعرنا الجزل عبدالله بن زويبن
وهذي من افضل اللي قريت فوق مع ان جميع القصائد والله انها جميله جدا..

يا مـل قلـبٍ هواجيسـه يسجنـه
سج النضا بالمطـارق والمشاعيبـي
هن ودهن كل روضٍ زيـن يرعنـه
وهم ودهم المساء عـن المعازيبـي
يوم انتهاء كل ما بالخـرج والشنـة
تواعدوا بيـت نطـاح المواجيبـي
شيخٍ صدى صوت نجره كل ما دنـه
يقنب بروس النوازي قنبـة الذيبـي
يرخص خروفه ولا يبخل على بنـه
ويشكر ويذكر ليا عدوا هل الطيبـي
تريحـن وأمرحـن يومنهـن جنـه
وأنا الهواجيس تسرحبي وتسريبـي
راحن بقلبي ولا أدري ويـن ودنـه
أخذت في جوهـن غفـوة وتغييبـي
سجيت معهن علـى فلـمٍ يعرضنـه
عن غيب بعض القرايب والأصاحيبي
ابليس لـولاه كـل النـاس بالجنـة
لاكـن يلعبـنـا راع التلاعيـبـي
يا شين بعض الأوادم لو ضحك سنه
يضحك بوجهي ويشذب في عراقيبي
واللي ليا غبت غوجه للطـرد عنـه
وجرد سيوفه عطيبات المضاريبـي
هجرت كل الـدروب اللـي يمرنـه
أخير لي من مجيه ، عنـه تجنيبـي
ولو ما أقتدي في كتاب الله والسنـة
خليت كلٍ على دينـه يصلـي بـي


صح لسانك ولسانه وماقصرت على النقل
ونتمنى منك المزيد من الابداع وخاصه في الشعر لانك مبدع في الحقيقه
في هالجانب ولا تحرمنا من ابداعك ...
وتقبل تحياتي