ولقيت

الوقت هذا ياعلى زاد شره=ماعاد اميز بين ربعي من اعداي
شربت من حلوه وجربت مره=وزادت هواجيسي من احداث دنياي
وقفة وقفة من زمانه يفره=فرة محالن حبلها رايحن جاي
ضايق من الدنيا ونوب اتشره=من خوتن بسبابها كثرة ارياي
لقيت من بالطيب ثبت مقره=افخر بطارله ويفخر بطرياي
ولقيت من فرقاه يكفيك ضره=ولولا العمل ماامدله كف يمناي
شره على روس الاوادم يذره=بسوق النميمه صار بايع وشراي
طيبك ليامن زاد ماهو يسره=افراق مثله ياعلي غاية مناي
اوقات اشوفه مع نجوم المجره=و اوقات اشوفه ياعلي جنب ماطاي
ولقيت من جاله على الدرب جره=اللي مصادقني على شان مخباي
قلته ونا اللي ماش علمن يغره=ولااقول طيبي زاد عن طيب اخوياي
ولو كل رجل(ن) حلق ثوبه يزره=ماصار لسباع الخلا حوله عواي
ياكثر ماجاملت مره ومره=من قبل لذلق راس رمحي وشلفاي
واخذت بالميدان كره وفره=وعلى بساط العز حطيت مركاي
وغنيت مابغى منك مثقال ذره= شاعر ولاهل الطيب باحت خفاياي
اللي مثل شرواك لله دره= اغليه لو ماهو من اطيب دناياي

صح لسانك وقصيده رائعه
وكل بيت اطيب من الثاني
وتقبل تحياتي