بري حالن كلما شافت عيونه في خياله
مساكم الله بالخير :
هذه القصيده للشاعر فهد بن عبد الرحمن بن نايف بن راجح يمكن تكون مبهمه لكن اكيد انها تعني للشاعر شي كثير
بري حالن كلما شافت عيونه في خياله=في خياله وجهك اللي يبتسمله بري حاله كلما فر الخيال وحايده عن نور وجهك=فره الشوق وعفطبه من عذابه وسط باله والمصيبه لوحصل له فرصتن لو هي صغيره=كان ماهذا عناه ولاجراله ماجراله البلاء ياثوبن مفصل علي وضاق كمه=والبلاء يانجمن نشوفه ولا رجلن يناله والبلاء كل البلاء للمحرم اللي في حرامه=خارطة نص الطريق ليا غداله مابقاله حذفتن من كف فارس ماتوقع دون فارس=حاذفن شلفا طويله معقبه حرداء جلاله رمح جساس بن مره يوم قص كليب تغلب=سيف ابن غانم ليا منه تحايد واحتماله وانت يالديان ياللي تطلب المديون دينه=من سجنته في سجونك ماتطلعه الكفاله والبلاء كلن لزوم يطيح بك ياكود خالي=ويمكن ان الخالي انت تكون من جاب الشقاله احد تطلب منه طفسه واحد هبزه واحد واجد=واحد مايرضيك يالديان لو في كل ماله واحدن يطب الوغى ثم يظهر جروحه كثيره=لكن جروحه طفيفه ماشقى من مامضاله واحدن يطب الوغى ثم يظهر بجرحن معمق=مايذوق النوم من جرحه ولا له باحتماله مايفك الجدي غير حويجزينن يحتمنه=يحجزن السبع اللي يطردنه من زواله وانت يالطرقي تحصل ماتحصل في طريقك=مير ماقدر عليك الله ماتلقى بداله كود تصريفن لامورك من مصرفها بحكمه=عالمن مابالضمير مبدل الحاله بحاله والعراق اللي مريكا سيطرت عليه كله=ادخلت بغدادن اول ثم قامت باحتلاله وش يقاوم لو يقاوم جاه مالايستطيعه=جاه مادك الحصون وجاه مادمر رجاله قالها اللي ماغدا عرفه وبعض الناس غادي=وقال قاله من ضميره مايعقبها بقاله مالرجلن بالكرامه بيت دامه يوم حده=وقته لطرحة عقاله ماتجوّد في عقاله وسلامتكم |
ماجد ابن راجح
بيض الله وجهك صح لسان قايلها .. وصح لسان ناقلها وصح لسان قاريها اهنئ الشاعر بوصوله الى هذا المستوى الشعري المميز ولو يشارك بشاعر المليون .. له من عندي اصوت له لين الجوال ينقطع ....:) تحيااااااااتي |
هلا وغلا بالأخ : ماجد بن راجح
مشكور يالغالي على تحفتك البهيّة من رجلٍ بهي ، ما أقول إلاّ صح لسانه كيف ما يكون شاعر وبها الدرجه المميزه من شعره وأجداده وخواله وعمّانه أغلبهم شعراء منهم على سبيل المثال خاله الشيخ محمد بن ناصر بن راجح في إحدى قصائده والذي شدّني وأعجبني ما قيل بها منها هاذين البيتين : ألا واوجودي وجد من خبّروه وصاح *** خبر ما يسرّه عقب ماهو بمرتاحي وألا واوجودي وجد من خمّه الميّاح *** مضاريب مخلابه به الدم سيّاحي |
بيض الله وجهك ووجه الشاعر
ونبغى المزيد من ابداعه وماقصرتوا على القصيده مايفك الجـدي غيـر حويجزينـن يحتمنـه يحجزن السبع اللـي يطردنـه مـن زوالـه وانت يالطرقي تحصل ماتحصل في طريقك ميـر ماقـدر عليـك الله ماتلقـى بـدالـه كود تصريفن لامورك من مصرفها بحكمه عالمن مابالضميـر مبـدل الحالـه بحالـه صح لسان الشاعر وتقبلوا تحيااتي |
وانت يالطرقي تحصل ماتحصل في طريقـك=ميـر ماقـدر عليـك الله ماتلقـى بـدالـه كود تصريفن لامورك من مصرفها بحكمـه=عالمـن مابالضميـر مبـدل الحالـه بحالـه الاخ ماجد بن راجح يعطيك الله العافيه وصح لسان الشاعر وصح السان الناقل ولاتقطعنا من ابداعاته وتقبل الود |
الغالي ماجد بن راجح صح لسانك ولسان الشاعر فهد وبنتظار ابداعه المتدفق باقة ورد |
الاخ ماجدبن راجح صح السان الشاعر والله يعطيك العافية على النقل المميز |
أشكر الجميع على المرور
جز <الشكر> يل |
الاخ العزيز ماجد بن راجح مشكور على النقل وصح لسان الشاعر والزميل فهد بن عبدالرحمن ونتمنى منه المزيد ويتحفنا بماعنده لك خالص الود والتقدير |
ماجد بن راجح
صح لسانك ولسان القائل قصيده قمه في الروعه.!! لاهنت |
الاخوه السيسبلن والمرواني
مشكككككككككورين على المرور وصحت أبدانكم |
الاخوه السيسبان والمرواني
مشكككككككككورين على المرور وصحت أبدانكم |
والعراق اللي مريكـا سيطـرت عليـه كلـه
ادخلـت بغـدادن اول ثـم قامـت باحتلالـه وش يقاوم لـو يقـاوم جـاه مالايستطيعـه جاه مادك الحصون وجـاه مادمـر رجالـه قالها اللي ماغدا عرفه وبعض الناس غـادي وقال قالـه مـن ضميـره مايعقبهـا بقالـه زالة مالرجلن بالكرامه بيـت دامـه يـوم حـده وقته لطرحـة عقالـه ماتجـوّد فـي عقالـه الاخ ماجد بن راجح قصيدة جزلة من جزالة قائلها وناقلها |
أشكررررررك جزيل الشكلر على المرور
لك تحياتي |
الساعة الآن 12:16 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM