أشرب الفنجال واكب البيالة
بسم الله الرحمن الرحيم السلام عليكم ورحمة الله وبركاته اعجبتني قصيده للشاعر / راشد بن محمد العجمي المعروف بـ ( خر الذيب).. وإليكم القصيدة
حالفٍ ماخذ على الطرقي رياله=وبالثلاث محرم أنه مايجيني لالقيت اللي على الرستة لحاله=يلتفت ويقول وين المستحيني أوقف الموتر حيا وأبي الجماله=يوم ولد اللاش وجهه مايليني الطمع في كروة الرجلي رزالة=خص وان جابه مجال الغانميني والردي في حالة ماهي بحاله=واعوينه من كلام الطيبيني الردي لو بان مايذكر عماله=مايعد اللاش مقصور اليميني أركبه لعيون من زينٍ دلاله=ماتحاكوا في قفاه الرامسيني مابغى غيري وانا مابغى بداله=قاعدٍ لي بالرجا مدة سنيني الولد وان طاب قالوا :من خواله=وان تردى تر خواله خايبيني أشرب الفنجال واكب البيالة=تابعٍ سلمي سلوم الأوليني ولاقعدنا بالعمل بنا الرزالة=ناخذ العليا طريق الفايزيني قال خر الذيب من هاجوس باله=كلمة يلعب بها والبال زيني قالها يومه طراله ماطراله=من هواجيسٍ تشيب المرضعيني غرني بعض الرجال بكثر ماله=مادرى ان الموت في حبل الوتيني كيف ينفعني وابا(..........) خاله=مايقوم البيت دام الساس طيني ناس وين اللي عوايده الجمالة=مثل ابن ظافر حمد ليته يجيني الثنا والجود دايم في خياله=علمه ظافر سلوم الطيبيني جوّد العليا ولزمّها عياله=وادركوا من علمته دنيا وديني واهني من باع حظه واشترى له=وسار في درب النبي وأخزى اللعيني موقفه ماكل رجال يناله=من بغى ممشاه يقعد مرتيني كم ذبح من حايل من حر ماله=وعادته لطمة خشوم العايليني وتقبلوا تحياتي. . . . |
الغالي ابو حزام يعطيك العافية دائما تنقل ما هو رائع تحياتي |
الاخ الغاالي احمد البدراني صح لسانك ولسان الشاعر وبيض الله وجهك على هذه القصيده الرائعه والاختيار الاجمل تحياااتي لك |
الاخوان تركي الزايد عادل البدراني اسعدني تواجدكم وتقبلوا تحياتي |
الاخ العزيز احمد بن حزام يعطيك العافية دائما تتحفنا بالروائع ... أشـرب الفنجـال واكـب البيالـة ** تابـعٍ سلمـي سلـوم الأوليـنـي ولاقعدنـا بالعمـل بنـا الرزالـة ** ناخـذ العليـا طريـق الفايزينـي صح لسان الشاعر وصح لسان ناقلها تحياااتي لك |
الاخ عبدالله بن سدحان البدراني اسعدني تواجدك وتقبل تحياتي |
الساعة الآن 07:45 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM