نبكي على سلطان
بسم الله الرحمن الرحيم
هذه القصيده رثا في الامير سلطان بن عبدالعزيز رحمه الله خيم علينا الحزن في سبت الاحزان حزنن يعم العالم ادناه واقصاه اظلم علينا الكون في كل الاوطان بعد افراق اميرنا اللي فقدناه نبكي على سلطان من حب سلطان من حب ابو خالد وطيبه بكيناه يبكي على سلطان شيبن وشبان من مابكى لحظة رحيله وفرقاه يبكونه اللي لامسو منه الاحسان ويبكونه اللي بس سمعو بطرياه اللي كما حيدن عن الضيم مزبان ملجا لمن ضاقت عليه وتنصاه مغيث باالعالم قوايا ويتمان كم واحدن محتاج من ماله اعطاه يمد من كف ليا مد مليان ياكثر ماشفنا ويا كثر ما اخفاه الابتسامه بينت فيه الايمان يطمن قلوب اليتاما محياه يسعى لمحتاج العرب وين ماكان ولافيه محتاج درابه ولاجاه مده كما نون من الوسم هتان ليا سقاله موقعن مسني ارواه يمطر ويسقي له عواصم وبلدان يمر والعطشان يسقيه من ماه عذب زلال وشف من كان عطشان غيث ليا منه وطا البالي احياه سلطان بن عبد العزيز اعظم انسان كل الصفات النادره من مزاياه نعد ويش نعد مااخفى ومابان نال المكارم في عزومه ويمناه كم عز من مسلم وكم ضد عدوان اسهف على العدوان من حد شلفاه قاسي على عدوان الاسلام مالان قاد الدفاع وكل عايل تحداه عساه له في جنة الخلد مسكان اللي قضى عمره للسلام وافناه |
رحم الله الامير سلطان وأسكنه الله جنه الفردوس
قصيدة بقمه الروعه والجزاله صح لساانك وعلا شاانك ياعبد الله كل بيت بالقصيدة أعجبني صراحه خيم علينا الحزن في سبت الاحزان حزن(ن) يعم العالم ادناه واقصاه اظلم علينا الكون في كل الاوطان بعد افراق اميرنا اللي فقدناه نبكي على سلطان من حب سلطان من حب ابو خالد وطيبه بكيناه الله عليك يابو زياد مبدع والله يوفقك كم عز من مسلم وكم ضد عدوان اسهف على العدوان من حد شلفاه قاسي على عدوان الاسلام مالان قاد الدفاع وكل عايل تحداه عساه له في جنة الخلد مسكان اللي قضى عمره للسلام وافناه والله أستمتعت بقراءه القصيدة |
صح لسانك أخوي عبدالله البدراني
ويعطيك العافية ورحم الله سلطان الخير واسكنه فسيح جناته |
احمد ماجد صح بدنك
لك تحياتي وتقديري |
الاخ الغالي عبدالمطلوب مبارك البدراني
صح بدنك اسعدني مرورك لك تحياتي |
الشاعر عبد الله منور البدراني
صح لسانك يالبناخي وبيض الله وجهك الشاعر طلال سعد البدراني صح السانك يالبناخي وبيض الله وجهك ماقصرتم الله يحفظكم الشاعربدرالبدراني[/indent] |
الشاعر الكبير بدر راشد البدراني صح بدنك واشكرك على مرورك اما القصيده لي وليس لطلال وتعليقك كان موجه للمساجله التي بيني وبين طلال
وهذا للتوضيح فقط تقبل تحياتي وتقديري |
صح لسانك أخوي عبدالله منور البدراني
ويعطيك العافية ورحم الله سلطان الخير واسكنه فسيح جناته تحياتي وتقديري |
الاخ مشاري البدراني
صح بدنك سعدت بمرورك لك الود |
الساعة الآن 09:28 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM