أمس العصر
في يوم الجمعة 25/6/1435هـ وبعد صلاة العصر أتت موجة غبار ورياح شديدة جداً على محافظة الحناكية أعقبتها أمطار غزيرة وقد أحدث ذلك بعد الأضرار على الممتلكات الخاصة والعامة ومن بين تلك الأضرار انهيار كامل للمخيم الذي أقمته في احد المنتزهات البرية و كنا نجتمع فيه أنا وبعض الزملاء ، حتى أنه أصبح أثر بعد عين ، والحمد لله على قضاء الله وقدره . وعندما سألوني الزملاء عسى خير ايش اللي حصل للمخيم ، أرسلت لهم هذه القصيدة : أمس العصر
أمس العصر مرت عجاجه وغيمة = وبروق لاحت بالفضا وهلت أمطار ولاعاد باقي عندنا الحين خيمة = طارت مع العجه مسافات وأمتار وصارت مثل ماقيل ذكرى قديمة= أيام طلعات الرجاجيل الأخيار ومدامها بالمال ... عدت سليمة = ولا بد مانرضى على كل الأقدار المال ماله عند الأحرار قيمة= حنا تعودنا على شبت النار نرجع ونبني دام فينا عزيمة = مكانة المجلس إذا فيه زوار والحمد لله زاد فينا نعيمة = والله يعوضنا على كل ماصار شعر / أبووليد ،،، = |
صح ألسانك يا أبو وليد
ومعوضين خير أن شاءالله |
صح الله السانك يالامير
وبيض الله وجهك |
اقتباس:
ياسلاااام صح لسانك يا ابا وليد وبيض الله وجهك ويعطيك العافية لك فائق احترامي |
اخي القدير عبيد الله صح بدنك ولاهنت يا الغالي وكل عام وانتم بخير أبووليد ،،، |
الأخ والشاعر القدير والأب الروحي لهذا المنتدى والذي نتعلم ونستفيد منه دائماً أبو خالد أقول صح بدنك وبيض الله وجهك ويكفينا تواجدك معنا بالمنتدى ، وكل عام وانتم بخير . |
شاعرنا القدير والأب الروحي لهذا المنتدى أبو خالد صح بدنك يا الغالي وبيض الله وجهك والمنتدى بحاجة إلى شاعر صاحب خبرة مثلك نتعلم ونستفيد منه ويكفينا تواجدك معنا وكل عام وانتم بخير ،،، |
شاعرنا القدير وعمدتنا أبو ناصر صح بدنك يا الغالي وشرفتنا بمروك وحضورك وكل عام وانتم بخير ،،، |
الساعة الآن 06:28 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM