|
خلوها خلوها
السلام عليكم ورحمة الله وبركاته
ازهموا لي عقيد القوم والا نجم= ودنا نعمر الديره ونحتلها كلهم راس واللي عين واللي خشم= مانبي نزعل الاصحاب ونتلها |
مرحبا بك وشد الحيل ثم احتزم=وانت رجل(ن) دروب أهل الوفا تدلها ما أدري انته صديق الضيق ولا خصم=والسيوف الرهيفة بالقسا سلها |
مرحبا اخوي نجم الجدي
استلم
البقى ياعميلٍ بالوفاء يلتزم=بيننا عملةٍ بالطيب مانملها ايه انا معك لامنه بدابك سقم=خل عنك العلوم الثانيه خلها |
المراجل لنا فيها مقام وقسم =وزل دلتك ليه. ياصنت زلها خل الأهداف يا رجال فوق الهرم =ماأطيب الحاجه اليا جات في حلها |
ادري انك فهيم لمقصدي تفتهم= كل حاجه تفيد الناس تفطن لها من يثير المشاكل بالبلد ينكتم= العرب ماتغير بالزمن دلها |
متااابع بصمت .......؟
|
ياصنت من تحرص في زمانه سلم=والحقايق ماتكتم دامنا أهللّها وكل رجل(ن) بميقافه يرز العلم=والصلاة الفريضة ياصنت صلها |
يانجم من يغثرب مشربه منجم=علم اللي حلوق القوم مابلها سابحين البحور وخصمنا يلطم= والقلوب الحسوده مجدنا سلها |
صح السنتكم
|
هيه يالحر الأشقر مايفيد الحدم = والكبود الغليله واضح(ن) غلها علم أهل الندم ماسر كثر الندم=مير بنت النشاما لاتزيّن لها |
عاشو كلكم نجوم صح الله السنتكم
الشاعربدرالبدراني |
البيوت الظليله قلت ماتنهدم= واليدين القصيرة كيف تاصل لها لاتحاول تنوش اشدادها تنخزم=والبنيه جدايلها لنا تفلها |
البيوت الضليله ما عليها حكم = واليدين القصيره قصرها أحسن لها الله أعلم من اللي باللقا ينهزم =ومل كبدك من هموم الزمن ملها |
صحت ألسنتكم ويعطيكم العافية مبدعين |
كان ما أنته من اللي للفرص يغتنم= ريح الفاطر اللي معك واريح لها في دقائق ترى وضعك معي ينحسم= والله ان الدموع اعيونك تهلها الختام عندك يانجم صح اللسانك تشرفت باللعب معك وسامحنا على القصور ان وجد لك تحياتي |
صحت السنتكم
محاورة جميلة ورائعة لكم فائق التحية والتقدير |
صنت عوض البدراني و نجم الجدي
صحت السنتكم |
ماشاء الله تبارك الله
اخوي صنت البدراني واخوي نجم الجدي استمتعت بحق بابياتكم الرائعه وابداعكم طرح راقي وجميل وشعراء رائعون صحت السنتكم جميعااااااا |
صح لسانك يا صنت
وصح لسانك يا نجم الجدي فا لكم البيرق |
| الساعة الآن 02:48 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
