سلام الله سلام
سلام الله سلام وينبني بيت ٍ على سيسان==عليه القافية والوزن ومجوّد من أطنابه
أبا شاعر يجيب من البحر اللول والمرجـــان ==ليامن مر بين الناس تشر له بسبابــة |
هلا مرحبا ترحيبةٍ تروي العطشـان
==== ابن عم وابن رجـــال يا حي هالـــــلابه ترانا لنا ميقاف تشهد به العربـــــــان ====على العز واهل الطيب والطيب نشقابه |
اشوف الموج يلطم يارفيقي والبحر خوّان =وكلن شد حيله فالحياه ويشعب اركابـه.أنا لية ثمان سنين داخل ساحـة الميــدان =بغيت النقل من بدري وعيّا الحظ ماجابه |
صحيح الموج يلطم والسفينه مالها ربان = ليا كـــثروا ربابين السفينه راحت نهابــه سألت الوالي المعبود يفرجها عظيم الشان= عظيم كل خلقه تسأله ماخاب طلابه |
صحيح المـوج يلطـم والسفينـه مالهـا ربـان ++لـيـا كـثـروا ربابـيـن السفيـنـه راحــت نـهـابـه
صحت السنتكم متااااابع ومع صف ابو ناصر ... |
خلووووووووها : اللحن ياتركي!
تزهب يابو ناصر واضبط الحبة على النيشان أنا اصيب الهدف وانته تصيب ورمي متشابه . يقولون الفرح بكرة يجـي بس الفــرح مابــان وكلن مشرف ٍ في راس ضلعه فوق مرقابه . |
خلوووها الصفوووف يا تركي !!!
توكلنا على الله يابن عمي خالق الانسان = تراه السيف يبتع في يدين مجود نصابه تبا تفرح بإذن رب كريم مكون الاكوان = وكلٍ ماشي بدربه وكلٍ حاسب حسابه |
مشينا فالطريق اللي يبى واحد وسيع ابطان
ليا جات المواقف يستخير ويمسك أعصابه عسى من طب سوق الحظ غير حظه التعبان لقاله ناس تشري ولاّ كل النــاس جلابـــه |
عسى من طب سوق الحظ غير حظه التعبان
لقاله ناس تشري ولاّ كل النــاس جلابـــه سرى الليل وينك يابو ناصر... |
خلووووها ومعذرة يا ابن العم
على التأخير كنت مسافر في اليوم الماضي
ترى كل الاوادم تحت دبرة ربنا الرحمان = يسيرهم على كيقه ما يخسر من نصى بابه وحظ الادمي مقرون به والعلم له برهان = عليك انته تحاول والقدر ما عنه مجنابه |
صح السنتكم
مبدعين |
ليا شفت البلد فاضي وقلّت زحمة السكان
ابيك اتروح للغابـة وتنشد سيّـد الغابــة . ابيك تقول له وش صار بعد اوامر السلطان اعرف الصقر له صولات والقوة بمخلابه. |
اليا شفت البدو شدو وقفوا واخلوا المقطان
= ====كبير القوم ما يقدر يرجعهم بمشعابه انا ليش انشد العـــــربان وانا عارف العنوان = ===اليا طاح المطر والسيل كلٍ يخبر اصحابه |
ليا من شدوا البدوان مانقعـد وراء البـدوان
ندوّر للربيع اللي كسا الديرة من أعشابه. ومن ينشد يجيب العلم مايسند سمعها فلان تضيـع الـسالفة مابين سمّاعـة وكتّـابـة . |
الا ما اكثر علوم البدو ذا ريّض وذا عجلان = ترى كثر الطواري يا فهد ما تكسب كسابه ليامنك سمعت العلم لا تتكل على النشدان =على العنوان تدخل ثم شوف العلم تدرابه |
ابو ناصر : صح لسانك ويعطيك العافية
استمتعنا بهذه المحاورة وترى مالي خبرة بالمحاورة قد تكون هذه المحاولة الثانية أو الثالثة والمعذرة إذا كان هناك أخطاء ،منك نستفيد ونتعلم ومن الشعراء الموجودين كذلك ..شكراً لك ولك التقدير والاحترام. |
يعطيك العافية ابن العم الغالي فهد نفيع البدراني
سعدت جداً بهذه المحاورة الرائعة و الممتعة حقاً وما اقول الا ما فيك حيله و ما بدا منك قصور ابداً سعداء بتواجدك بيننا تفيد وتستفيد ... لك فائق التحية والتقدير والاحترام |
الاخوان الاعزاء
فهد وابو ناصر ابداع فى ابداع وفعلا هناك رقي ورقه فى هذا الطرح لكم جزيل الشكر |
ابو عبد الله
سعدت جدا بمرورك هنا لك فائق احترامي |
الساعة الآن 08:14 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM