المعارك يا عميلي لها السيف الصقيل = راعي الكلمة ما يعجز وعارف بيتها
اعرف انك يا ابن عمي تجيب المستحيل = وكان مديت اليمين انا لك مديتها

سنة الخلاق ف(الخلق ) ذيه يالعميل = جاتك الاولى وفاتت ولا صديتها

لاتجي للسيل يا صاحبي وسط المسيل = كيف تاطا النار بالرجل ما حسيتها

مازرعنا غير طيبٍ على طيب وجميل = لاتروح بعيد جتك العلوم وجيتها

نارنا مشبوبه وعندنا بن وهيل = والعرب تزهمك وانته تقل ما وحيتها

كل واحد يشتكي من زمانه ذا عليل = والله اعلم بالامور الذي كنيتها
والبعير الله يعينه ترى حمله ثقيل = يا جملنا وشب عينك لنا لديتها