صــرخــة طــفــل ...!
البـارحـــة جفنـــي عصــاني ولاطــاع ....................... والعين مانامـت ولو ربـع ساعــــة كنـي فبير ٍ مضلمـة مـالــهـا قـــــــــاع ...................... غريـب لاونـّي بوسـط الجـماعـــة من ضيق صدري جاني براسي صداع ...................... وعيـّا المسـكـن لايهـدي صـداعـــه قالـوا عـلامــك قلـت شـي ٍ وقـــد ذاع ..................... عـبر الصـحـف وايـضا وعبر الاذاعـة كبـيـر سـن ويشـتكي زود الاوجــاع ..................... والطـفـل مقتـول ٍ بسـن الرضاعــة والام تصرخ صوتـها زلـزل القــاع ..................... بشــاعة ٍ ياكبــرها مــن بشاعـــــة صرخة طفل فالنـوم يبكـي ويرتــاع ..................... صوت الرصاص اللي يروّع سماعـه مدري كساه الحزن ولّا الفرح ضاع ..................... ولاّ رضــى بالحـظ واصـبـح قـناعــة والفقر مايلطف ولايرحـم اجيــــاع ..................... من بينهم يعرف بـذيـب المجــاعــة وحنا كما نبت ٍ وراء الشمس تبّـاع ..................... نطرد وراء المـوضـات وآخـر بضاعـة مافيه من يحزن ولافيه جـــزّاع ..................... كلن محصّن صار عنده مناعــــة عن الحقايق ليتنا نلـبس قنــاع ..................... من شان مانذكر عرب بالقطاعة تأزّم الاحوال في كل الاوضاع ..................... وكلـن يفسـرهـا بحـسب انطبـاعه دام السفينة فالبـحر مالها شـــراع ..................... يلـعبــها مـــوج البـحــر بندفـــاعـه تمشي معه من وين ماهاج تنصاع ..................... ويضيـق فيـها الكـون ويّا اتسـاعـه والطعنة اللي غايرة بين الاضلاع ..................... يصعب عليها تطيب في ربـع ساعة الشاعر : فهد البدراني |
الشاعر الجزل فهد نفيع البدراني صح اللسانك على هذه الجوهره لايكتبها الا الشعراء المبحرين في الشعر ولي الشرف ان اكون اول من تصفح هذه الدرة الثمينه لك تحياتي
|
الشاعر فهد نفيع البدراني
صح لسانك يافهد هاكذا الشعر حبك شاعر وموضوع يستحق من يكتب عنه شاعر جزل وبيض الله وجهك ودي يافهد تحديد للمكان اوزمان حتى لو كان تلميح الهاذا الطفل الصارخ وهاذا راي شخصي القصيده لاينقصها كمال خل صدرك وسيع على عودك همسة محب الشاعربدرالبدراني |
جزاله في جزاله
صح لسانك يافهد... |
الاخ الشاعر فهد نفيع
الطعنه اللي غايره بين الاضلاع==يصعب عليها تطيب في ربع ساعه صح لسانك |
دام السفينة فالبـحر مالها شـــراع ..................... يلـعبــها مـــوج البـحــر بندفـــاعـه تمشي معه من وين ماهاج تنصاع ..................... ويضيـق فيـها الكـون ويّا اتسـاعـه والطعنة اللي غايرة بين الاضلاع ..................... يصعب عليها تطيب في ربـع ساعة الاخ فهد نفيع البدراني صح لسانك مليوووون ولا يكفوووون قصيدة جميلة ورائعة روعة حضورك وتحاكي الواقع الذي تعيشه الامة العربية والاسلامية هذه الايام قرأ تها مراراً مبدع يافهد وننتظر المزيد من المشاركات لك فائق التحية والتقدير |
الشاعر صنت البدراني صح بدنك و اسعدني مرورك يالغالي
|
الشاعر الكبير بدر راشد صح بدنك وحبيت اوضح لك مكان وزمان الطفل
في هذه الابيات المتواضعة : إن كان تنشد عن طفل يرفع الصوت هـذا تـرى يابـــدر هـو طفـل غـــزة قبل ثلاث سنين والعالـم اسـكـــوت أثر علـى قلب المشاعــر وهــــزه طفل انقتل وطفل بيصارع المـــوت وطـفـل ٍ تردد صـوتـه فكـل حــزة مابه أمـان ولا لقـى لقمــة القــوت ذل وهــوان ولا لـقـالــه مـعـزة وياكم جنايز حطــت بوسـط تابـوت وياكم نصايب فـوق قبر ٍ امـرزة |
تركي الزايد صح بدنك واسعدني مرورك
|
اقتباس:
لك الود |
ابو زيد :صح بدنك اسعدني مرورك ويعطيك العافية |
الشاعر فهد نفيع البدراني
صح لسانك مليووون ولاهنت رااائعه تحياتي |
صح لسانك اخوي فهد قصيده اكثر من رائعه
|
صح بدنك ابو ناصر واسعدني مرورك |
ابو عبدالله اسعدني مرورك ويعطيك العافية |
مشاري البدراني صح بدنك اسعدني مرورك لك التقدير والاحترام |
صح بدنك اخوي متعب اسعدني مرورك ويعطيك العافية |
الساعة الآن 05:18 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM