الله انه لايبارك بالرجال المرخمه ...
اخواني البدارين صغيرهم قبل كبيرهم اسعد الله اوقاتكم بكل خير وهذه اول مشاركه لي بينكم في منتدى مشاعر شاعر وهذه احدى قصائدي الجديده والمتواضعه اتمنى ان تحوز على اعجابكم وترتقي الى ذائقتكم الشعريه
الشجاع ابن الشجاع اللي يقود الاوله .. مايقاد الا يقود وكل علمن يحكمه رايه اعصم وان حكى مال المهانه منزله .. يرتدي عز الشموخ وكل راي يلهمه ماينوخ ولايناخ وفي فعاله للفعايل صهلله .. ابلج حر نداوي كل وقته ملحمه فزعته تقرع طبول قرعها له ولوله .. وقوته حق وسيف بالرقاب معلمه وينه اللي كل ماجاء للقهر اغلله .. ثارمن حرالضمير اللي بصدره يلمه وينه اللي كل مانداس الشريف ونكله .. باغي يرعى بكيفه وللضعيف يلكمه وينه وينه ووينه وللكلام مكمله .. من شجون بالصدور تزيد هم وهمهمه كل مادارت رحانا بالامور المعظله .. نتوقف ماتقول ان الامور ملغمه وكل ماسالت دماء للعدو محلله .. مانشوف الا الكلام اللي سئمنا نعممه ماتت الامه نزيف والعدو في محفله .. والرجاء مابه رجاء الله انه يرحمه وكل مالد النظر فاعلامنا ومحلله .. سالت العبره على خد يوسد مدمعه ابتدى حزن النفوس من زمان مرله .. الله انه لايبارك بالرجال المرخمه |
رايه اعصم وان حكى مال المهانه منزله .. يرتدي عز الشموخ وكل راي يلهمه
اخوي الغالي صالح اقول الله يعطيك العافيه القصيده رائعه وهذي وجهة نظري واترك المجال لغيري 00 تقبل مني كل الود |
الغالي صالح الربيع السلام عليكم ورحمة الله وبركاته: ماتت الامه نزيف والعدو في محفله .. والرجاء مابه رجاء الله انه يرحمه وكل مالد النظر فاعلامنا ومحلله .. سالت العبره على خد يوسد مدمعه القمه القادمه نتمني أن تكون قاطره لامقطوره للسياسات المرسومه مسبقآ قلم ينبض بأحساس الواقع العربي واعلامنا التابع سلم بوحك واصل العطاء وامتعنا بهذا الصهيل الاصيل تقبل صادق الود |
حياك الله اخوي ستار
بيض الله وجهك على مشاركتك لي قصيدتي وقراتها ومشكور يالغالي والله لايهينك |
الاخ / صالح الربيع قصيده بها من الجزاله مايعبر عن جزالة قائلها يسلم فكرك0 |
هلا اخوي الغالي ومشرفنا العزيز ابن سعران
الله يبيض وجهك ولايهينك ومشكور على حضورك ومرورك على قصيدتي المتواضعه ولقد اخجلني ردك المميز الذي يدل على قلم متمكن وكلام رصين وحس واعي لي الشرف الكبير مجددا بمشاركتك الجميله دمت سالما لمحبيك |
مرحبا اخوي اللهبي
تسلم روحك ويسلم حسك الجميل شرفتني بحضورك وبيض الله وجهك والله لايهينك دمت سالما لمحبيك |
الاخ الشاعر صالح الربيع صــح لسانك ولاهنت وبيض الله وجهك وكثر الله من أمثالك القد ابدعت بكل كلمة كتبتها وبكل كلمة نطقتها بلسانك لقد ابدعت بقلمك الجميل بقلمك الساحر الذي لم يتوقف عن روعه القصيدة قصيـدة جـزله بكل معانيه فلا تحرمنا من ابدعك الله يعطيك العافيه |
حياك الله اخوي عادل
ياهلا ومرحبا فيك وبطلتك الجميله التي افرحتني وزادتني شرفنا بمعرفتك في هذا المنتدى والله لايهينك على كلامك الذي يدل على قدر كاتبه وعلو مكانته وماعليك زود ومالدي ماهو الا بوح لالامنا جميعا دمت سالما لمحبيك |
الشجاع ابن الشجاع اللي يقود الاوله=مايقاد الا يقود وكل علمن يحكمه رايه اعصم وان حكى مال المهانه منزله=يرتدي عز الشموخ وكل راي يلهمه الشاعر صالح الربيع صــح لسانك لاهنت وبيض الله وجهك |
الاخ صالح الربيع او نرحب بك بالانظمام اللى منتداك وبين اخوانك والقصيده حروفها تنبض بالمشاعر الصادقه ننتظر المزيد لك الود |
حيا الله شاعرنا وماقصرت على المشاركه
الشجاع ابن الشجاع اللي يقـود الاولـه مايقاد الا يقود وكـل علمـن يحكمـه رايه اعصم وان حكى مال المهانه منزله يرتدي عز الشموخ وكـل راي يلهمـه ونتتظر منك المزيد وتقبل تحياتي.. |
الاخ صالح الربيع صح لسانك قصيدة رائعة ننتظر المزيد دمت بخير |
بسم الله الرحمن الرحيم السلام عليكم ورحمة الله وبركاته قصيده جزله من رجال جزل حياك فالك التوفيق والله يحيك يابو عبدالعزيز بين اخوانك نتمنى ابداع اكثر منك وان تزيدنا بجديدك ابتدى حزن النفوس من زمان مرله ........ الله انه لايبارك بالرجال المرخمه مجــــــــــــــــــــــــــــــــــــــــــــــــ ــ ويكابرـــــــــــــــــــــــــــــــــــــــــــر |
الشاعر صالح الربيع السلام عليكم ورحمة الله وبركاته يفخر منتدانا بوجود امثالك وصح لسانك على القصيده الرائعه ولاتحرمنا من ابداعاتك وسجلني احد المتابعين لكل ماتكتب وتقبل مني ارق التحايا |
الله لايهينك يابو عبدالله وشاكر ترحيبك ومرورك الجميل الذي افتخر به
تحياتي لك ودمت سالما لمحبيك |
حياك الله اخوي ابن شنوت وماعليك زود والله لايهينك
وشاكر لك مرورك الجميل ودمت سالما لمحبيك |
صح بدنك اخوي تركي الزايد
والله لايهينك ودمت سالما لمحبيك |
حياك الله اخوي المجروح ويكابر
الله لايهينك وماعليك زود يالغالي وابشر بسعدك طال عمرك ودمت سالما لمحبيك |
هلابك اخوي ساري
والفخر كله بانسان رائع مثلك الله لايهينك وصح بدنك ولي الشرف الكبير ان تحضى قصائدي بمتابعتك ومروك الجميل دمت سالم لمحبيك |
اخوي احمد ابن حزام ارجو المعذره منك لاني لم ارى مشاركتك واسف جدا لعدم ردي قبل من شارك بعدك على مشاركتك خطا غير مقصود وارجوا ان تعذر اخواك
وبيض الله وجهك وصح بدنك والله لايهينك ودمت سالما لمحبيك اخوك صالح الربيع |
الساعة الآن 07:30 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM