ياسلام الله سلامٍ يرضي اهل الطيب عنا= يشمل اصحاب السعادة يشمل اصحاب المعالي
كان ابو ناصر هنيا ساكن(ن) داخل وطنا= لايروح ابعيد حتى احمل اظهور الجمالي

مرحبا ترحيبةٍ مثل العسل تنصاك منا = انت اعدك من هل الوقفات وزحول الرجالي
انت تعرفني قريب وعاقل الحر المثنا= وانت طولت الغياب وجيتنا يا ابن الحلالي

البقى ياللي ترحب طبت يازبن المجنا=صاحبٍ غالي عليه لو يغيب اقول غالي
سامعٍ جارك طلع له صوت وبيوته تبنا= وانت سالي في زمانك مابنيت ولاتبالي

ياصنت عساك باقي ياعريب الجد حنا = عندنا يا ابن عوض حاسبك رجال مثالي
جارنا في خير دايم ما على الجار نتمنا = والمباني عندنا يا ابو عوض مثل الجبالي

والله اني حسب ظنك لايتغير فيك ظنا=والليالي علمتنا فيه مر وفيه حالي
ياوسيع العرف خلك صاحيٍ لاتمتحنا=صل بالمسجد وضم ايديك مكروه السبالي

ياصنت حنا ترانا سلمنا من سلم اهلنا= وادرس التاريخ وتعرف البعيد من الموالي
لامتحناكم وحتى لو جهلتم ما جهلنا= ما عبدنا الا الكريم وشربنا صافي زلالي

مادخلنا بالسلوم ولاجهلنا يامهنا=نعرف التاريخ كله والاوائل والتوالي
مع مرور الوقت يمكن في ضميرك يستكنا=ويتغير كل ماقلته من ظروف الليالي

البنى طال السحاب وعن عدانا ما انشغلنا = انت تصرفها تجيك جنيه والا بالريالي
مع مرور الوقت راع المشكلة مايرجهنا = ماتغير وانت تعرف تالي الدنيا الزوالي