لا غبت عني
( لا غبت عني )
ما ينام اللي من الحب منصاب = يجلس طوال الليل صاحي ومهموم أقولها صادق ولاني بكذاب = الحال فيني يا هوى البال معدوم جرح (ن) وسط قلبي من العام ماطاب = سهم (ن) سطا بين الضماير ومسموم خليت قلبي من سبايبك مرتاب = في وسط دمــّه يسبح الحب ويعوم تكفى حبيبي مانبي بيننا عتاب = خل المحبة يا حياتي لنا تدوم تكفى تهز رجال يا سيد الأحباب = ونا تراني للقوانين محشوم ودي أضمك بين رمشي والاهداب= لا تجرح احساسي ونا منك مكلوم لا غبت عني كن ما عندي أقراب = ون جيت كن الدار بالناس مزحوم حبك بنيته بيت وثبت الأطناب = انته عليّ آمر ونا اقول مخدوم هذا شعوري جاكم اليوم بكتاب = سطرت ما بالقلب خافي ومكتوم = شعر / ضيف الله البدراني (أبووليد) |
لا غبت عني كن ماعندي أقراب ........وان جيت كن الدار بالناس مزحوم صح لسانك أخي أبو وليد قصيدة رائعة ومعبرة عن أحوال المحبين دمت مبدعا أخوكم سلمان ناشي الحجيلي |
صح لسانك .. أبو وليد أبيات معبره بارك الله فيك لك صادق الودّ |
صح لسانك ابو وليد ابيات رائعة لك تحيتي وتقديري |
صح لسانك وفعلا الحب يعما عمائل
ابا الوليد لا يزال القلب 000000000 يعشق السعوديه لك الود |
صح لسانك ابو وليد
ابيات رائعة |
اقتباس:
الأخ القدير أبو عدنان صح بدنك والأروع حضورك ومرورك تقبل تحياااتي أبووليد ،، |
اقتباس:
أخي القدير جمال صح بدنك وتسلم يا الغالي على مرورك تقبل تحياااتي وتقديري ،، |
اقتباس:
أبو ناصر أو ( العمدة ) وهذا اللقب أصبحت معروف فيه في منتدانا وأسعدني ذلك الشيء لأني أنا من أقترحت هذا اللقب وأطلقته عليك وتستحق أكثر من ذلك . تسلم على حضورك ومرورك ولك خالص الشكر والتقدير . أبووليد ،، |
اقتباس:
الأخ القدير أبو عبد الله يسعدني ويشرفني مرورك والقلب أخضر بلون الشجر ...... لكن الله يجيب المطر . |
اقتباس:
الأخ عبودي صح بدنك وشاكر على مرورك أبووليد ،،، |
الساعة الآن 12:37 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM