قصيده مهداه للأخ الرائد/محمد بن نايف بن راجح
بسم الله الرحمن الرحيم هذه القصيده مهداه للأخ الرائد/محمد بن نايف بن راجح
بديت من زين المثايل والأشعار=ناخذ جزيل القاف ونترك هزيله ياللي تجيب العلم تودي الأخبار=أوصل سلامي وانته راع الجميله أوصل سلامي صاحب الفعل والكار =محمد حكيم العقل راعي النفيله الله يفكه من صواديف الأقدار=رجال عرف ومن شيوخ القبيله أقولها بالصدق في سر وجهار==فسه على من جاه ماهي ثقيله تشفق على المعروف وفي والدك بار=وعندي على ماقلت علم ودليله والله رب الملك علام الأسرار=ماقلت قولي فيك غدرن وحيله وجهت لك مكتوب من واهج حار=أبيات شعر من ضميري قليله اليوم يامشكاي يانسل الأخيار=وقتن تغير فيه عدله وميله فقدت شيخن للمهمات صبار=الليا أنحدينا وأن عضينا نجيله في ذمة التاريخ سجل بالأفكار=جيل يعده جيل من بعد جيله نايف ولد هاجد ليا صار ماصار=عز الرفيق وعز لمن يلتجيله كلمة هلا لضيف مع شبة النار=يمناه بالمدات ماهي بخيله حر ولد حر من ماكر احرار=من شيوخنا مروين حد الصقيله أفعالهم بالطيب في كل الأقطار =قلوبهم بالكون ماهي ذليله مني سلامن لأبو نايف بالأسطار =أعداد ماصدق صدوق المخيله الشاعر عوض ركيان البدراني |
صح لسان الشاعر عوض ركيان البدراني .,
ويستاهل الرائد محمد بن نايف بن راجح |
بيض الله وجهك ابو عبدالله ، وصح لسان الشاعر عوض بن ركيان البدراني ، ويستاهل راع الطيب والعلم الغانم الأخ الشيخ / محمد بن نايف بن راجح وفقه الله , ووفق الجميع لما فيه رضاه سبحانه ....
|
يعطيك العافيه يا بو عبد الله وصح لسان الشاعر: عوض بن ركيان البدراني في حقيقه الامر
الشيخ محمد بن نايف بن راجح يشهدله الجميع بتواضعه وتقديره لهم وتشريفه لهم بمجال عمله وانا من محبي هذا الرجل ووالدي يحدثني عن محمد بن نايف ويقول فيه من صفات والده الكثر ونسائل الله عز وجل ان يوفقه ويوفقنا لما يحبه ويرضاه تحياتي للجميع |
الله يعطيك العافيه ابو عبدالله وصح لسان الشاعر
عوض ركيان البدراني ويستاهل الرائد / محمد ابن راجح |
صح لسانك يا عوض بن ركيان البدراني على القصيدة الرائعة قد ابدعت بارك الله فيك
وبيض الله وجهك والشيخ محمد بن نايف بن راجح يستاهل كل خير ومن الرجال الذين تفتخر بهم القبيلة في تواضعه وفي مواقفه المشرفه وتقبل مني هذه المجاراة المتواضعة والشكر للاخ ابو عبدالله على نقل هذه القصيدة لنا باسم الله اللي له نصلي بالاسحار = حي التجي له كل صبح وليله تهيض الخاطر ودار الفكر دار = بعد قريت المفردات الجزيله من شاعرٍ فكره على الطيب يندار= ابن ركيان ابدع بكل قيله اللي نثر قافه كما نثر الازهار= في مدح شيخ الطيبة تنتمي له محمد أبن نايف ولد شيخنا البار= عز الرفيق وكل حي يعنيله يا مرحبا بالربع والضيف والجار = دايم على لسانه ولاهي قليله للي لفاء بيته معزه ومقدار = والعود الازرق جنب بنه وهيله صميدع من نسل وافين الاشبار= لو كان حمله كايدٍ يرتكي له ابوه سيفٍ للمعادين بتـــــار = شيخٍ صدم كل القبيلة رحيــــــله للطيب والمعروف والعرف بيطار= اذا كبر حمل القبيلة يشيله للشيخ نايف بالمواجيب تذكار = من حدته سود الليالي يجي له ان كبرت القاله وكثرن الاشوار= من جاه عاني له يبرد غليله نسل الشيوخ اللي لهم صيت واذكار=تاريخهم يشهدلهم بالفضيله عساه للرحمه وجنات الابرار= يا الله يا اللي كلنا نلتجي له عداد ماهلت من المزن الامطار= صلوا على المرسول باحسن وسيله |
صح لسان شاعرين القديريرين
ويستاهل محمد بن نايف تحيتي وتقديري |
بيظ الله وجهك وصح لسانك يا بو ناصر قصيده جزله ومن جزل وفي جزل يستحق الطيب والعلم الغانم ، ما هي غريبه عليكم المواقف البطوليه ....
|
بن بركه بارك الله فيك وفي مرورك العطر
لك فائق احترامي |
اقتباس:
الاخ الغالي / عاشق بلغة ووجهك ابيض وصح بدنك والجزالة في مرورك يا الغالي لك فائق احترامي |
الساعة الآن 01:17 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM