خلوها ......مرحبا بالضيوف ومرحبا بالجماعة ...
الاخوة الاعزاء مساءكم / وصباحكم خير انشاء الله
مرحبا بالضيوف ومرحبا بالجماعة = ودي اخذ مع الشعار قاف جديدي بتعّرف على اللي ينعرض من بضاعه = طيب للطيبين وفالمعاند عنيدي |
اخوي عبدالمطلوب مبارك البدراني .. المنتدى خالي من الاعضاء والمشاركة تبقى وقت طويييييييييييييييل بدون رد
فمابالك بالمحاورا ت ............... صح لسانك .. لازلنا ننتظر شاعر يرد !!!!!!!!!!!!!!!!!!!!!!!!! |
اقتباس:
الأخ الغالي أبو ناصر مشكور على هذا البدع واسمحلي بهذا الرد :
يا هلا يا هلا ماهي بكذب وطماعة = قلتها يابو ناصر ياهلابك عضيدي هيض القاف قلبي ولا قويت اندفاعة = وجيت اجرب معاكم فالمعاني رصيدي |
اقتباس:
أخي بن عابد يعطيك العافية والمنتدى انشاء الله ماهو خالي واللي حاضرين فيهم البركه وانشاء الله يعود له اعضاءه لك التحية والتقدير |
ابو وليد يعطيك العافية واستلم :
انت من ربعنا اللي منزله بالرفاعه = والله انك من اغلى الربع يا بو وليدي كيف يا بو وليد الناس فيهم قطاعه = ناس شدوا وناس ينتوون الشديدي |
حياك يابو ناصر :
طالع الكون كله يبهرك باتساعه = وسع الصدر واحذر من همومك تزيدي كلنا يا بو ناصر محتزم في متاعه= هذا علم (ن) وكاد ومن زمان ٍ تليدي |
استلم ابو وليد :
والله اني وسيع الصدر عندي قناعه = ومؤمن بالقدر والموت جنب الوريدي كل رجال نعرف منهجه من طباعه = وان نطق باللسان يبين لك وش يريدي |
خلوها :
ما يهاب الرجال اللي في قلبه شجاعة = صامدن يستلج المعركة ما يهيدي ونا من صغر سني ومن وقت الرضاعة = ما يلين الراس مني لو يلين الحديدي |
الله الله استلم ابو وليد :
يا ابن عمي حشيم ومن رجال السناعه = والرسائل تراها جاتنا بالبريدي انت رجال فاهم راع هالوقت راعه = البعيد اقترب واللي قريّب بعيدي |
كيف يا بو وليد الناس فيهم قطاعـه=ناس شدوا وناس ينتوون الشديـدي
الاخ ابو ناصر الاخ ابو وليد استمروا ونحن معكم قلبا وقالب لكم الود |
خلوها :
مثلكم انتحرى كل يوم اجتماعة = رحبوا يا صفوف ورددوا بالنشيدي ابن عمي وله عندي معزه وطاعة = ابدع القاف لجله جعل عمره مديدي |
اقتباس:
الاخ ابو عبدالله يعطيك العافية على مرورك العطر وعليكم بالصفوف لك تحيتي وتقديري |
خلوها .. خلوها :
والله إني ياولد العم عندي قناعه = الخيال ان تراكم جاك برقه سديدي وكل واحد ياضيف الله يقول انطباعه = والمعزه بوسط القلب جعلك سعيدي |
أقول خلوووووووووووها : |
ما سمعت الخبر اللي نشر بالإذاعة = يوم قال المذيع الحين علم (ن) مفيدي من يطب البحر واجب يعلي شراعة = لا تجيه الرياح وعن مساره يحيدي |
خلوها ......,, خلوها
بعض الاخبار بالنشره تراها إشاعه = بعض منها يصير وبعضها ما يصيري والبحر ما يطبه غير من طال باعه = ما نزل به ياغير اللي بعزمه فريدي |
أقول هيه خلوووووووووووووها :
نوفي الكيل ما ننقص في وزنه وصاعه = وانت صاحب سداد وبالمعاني رشيدي مامن طير(ن) يطير ويعتلي بارتفاعه = على وكره يابو ناصر لابده يعيدي |
الغالي ابو وليد
سعدت جدا بهذه المحاورة وبارك الله فيك وامل ان يجمعنا لقاء اخر انشاء الله تعالى لك تحيتي وتقديري |
الغالي أبو ناصر حقيقة والله ما كان ودي تنتهي المحاورة لأني استمتعت جداً معك ولكن لابد إن شاء الله من عودة مره ثانية تقبل تحياااتي أخوك أبووليد ،، |
الاخ ابو ناصر
الاخ ابو وليد بيض الله وجيهكم ومحاورة جزله ولاقصرتم |
كفو الله يعطيكم العافيه ابو مبارك وابو وليد
|
اقتباس:
الأخ القدير بدر بن شباط شاكرين على مرورك والله يعافيك تقبل ودي وتقديري |
اقتباس:
مرورك اسعدنا لك التحية والتقدير |
اقتباس:
الاخ الغالي بدر بن مشاط سعدت بمرورك العطر لك فائق التحية والتقدير |
الاخ ابو ناصر الاخ ابو وليد بيض الله وجيهكم ومحاورة جزله ولاقصرتم ماشاءاللهمحاوهفريدة |
بيض الله وجيهكم محاورة رائعة بحق
كل الشكر على إبداعكما دمتم سالمين |
الساعة الآن 03:12 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM