بخب النقع حفلكم ياحرب واجيله= وانا عن الحفل واللي نظمه راضي
أجيه لو كان ماجتني مراسيله= دافع حميّا فرضها الواجب الحاضي
با الليل يجذبك ياالساري قناديله= يشع نوره سوات البرق لاناضي
سباق حمّ الشعاف اللي لها زيله= تقول حيطان وسط الخب وفياضي
تشعى راع الصنف يتبعها بدربيله= إجلال هنف الخشوم إطوال وإعراضي
والحفل يحسب نجاحه من رياجيله= ماينبني البيت من طيشان الانقاضي
حرب الحرايب كعام اللي بهم عيله= ولهم على الخصم والعدوان مركاضي
فعل(ن) له شهود واللي حافظه قيله= ينبيك ماقلت حاضرها مع الماضي
ماهي سوالف غشيم(ن) عقب تعليله= يارد على العد ويصدر منه فاضي
خيال وقت العوافي مسرج(ن) خيله= وصدره من الحسد شب بداخله لاضي
سحاب صيف(ن) عجاجه سابقاً سيله= ولا هو من اثنين لامفتي ولا قاضي
بنار (ن) من الليف لايحرق معاميله= وعصا القبيله بدونه مابها شاضي
ومن لاعرف قدر نفسه ما نصاغي له= مايتبع الفاضي الا واحدا قاضي
امدح هل الفعل ماامدح ضايع الحيله= اللي بوجه الضمايا يكفي الحاضي
حشمة هل الطيب والا اللاش عابيله= قول يبا يموت ماينساه ياراضي
ورجل يدنق عن اهل الطيب عزي له= وياجعل كل القبيله فيه تعتاضي
ومن طاب نفخر بطيبه مانشاني له= وكفو المهمة بثقل الحمل ماجاضي
هذا كلامي بحفل(ن) جيت عاني له= من هاجس مايجيب الهزل لاهاضي[

ومن لاعرف قدر نفسه ما نصاغي له = مايتبع الفاضـي الا واحـدا قاضـي

ومن لاعرف قدر نفسه ما نصاغي له = مايتبع الفاضـي الا واحـد ٍقاضـي

قمة الجزاله
بيض الله وجهك يا عوض على نقل القصيده
وصح لسان إبن ناصر وعز الله إنه ماقصر

دمت سالما ً
0
0
0

المشاركة الأصلية كتبت بواسطة star albdarain (المشاركة 3711) عوض البدراني الله يعطيك العافيه ونقول للشاعرعلي البدراني صح لسانك قصيده جميله وماقصرت 00 كما اوجه دعوه 0 للشاعر علي البدراني للا نضمام الى قافلة البدارين لكي يتزود من العز والرفعه من هذا الصرح الشامخ الذي لا يلتفت ولايتوقف في محطات الهزل بل يمتطي جواد العلى ويبحث عن كل ماهو جزل 000000000000 تقبل تحاتي00 نجم البدارين