سلام ردية(ن) توزن بوزن الذهب= ردية(ن) تجمع الاصحاب باصحابها
ياللي تجيد المعاني طاب معك اللعب= قرب وهات العلوم اللي تعزوابها

يامرحبا يا ابن عمي يا عريب النسب
.................. ترحيبة اهل الوفاء والطيب نشقابها
احدٍ خسر فالمعــاني واحد فيها كسب
.................... والطيبة كل رجل يحسب حسابها

دام البقاء يالمرحب حسب سلم العرب= والخيل ياصاحبي من فعل ركابها
اللي يبا يحدد امهور النسب والحسب= مايقدر ايوسم القعدان بارقابها

علم شيوخ البلد لا تطيح وسط النشب= اعلوم مانريدها وعلوم نرضابها
الشور مايخص قوم وقوم ماتنحسب= والراي مايخلف الاحباب وحبابها

الله ..الله....الله .. استلم يا الغالي /

موضوعهم متضح عند الملا وانكتب
.............واهل المعرفه ما تقفل دونها ابوابها
اللي يغني حزن واللي يغني طرب
........... واهل المراقيب تلقى راس مرقابها

ياليتهم ناقشوا حاجه تفك السبب= امور ياهونها صاحوا من اسبابها
اللي يغني طرب مدهون راس الشنب= والحر ما كل صيده شافها جابها

المشكله كلــــــها ماتستـــحق العتب
..........لكن نار البدو في راس مشهابها
والعين ماضلها الا رمشها والهدب
.......وكم واحدٍ قال خل الناس وانشابها

بعض السوالف تبي يارجل حكمه وادب= لكن بعض البشر ماتحفظ ادابها
اكيد مال الحسود نقول غير التعب= ما يدخل العود بين العين وهدابها

ختامها مسك والدنيا ما توزم غضب = يا عزوتي راس مال القوم شيابها
ان كان طابت معك خذها بليا غصب = وان كان ما تريدها اتركها لطلابها

المشاركة الأصلية كتبت بواسطة عبدالكريم البدراني (المشاركة 45490) صح لسانكم جميعاً محاورة جميلة بكل ماتعنية الكلمة

الاخ عبدالكريم

صح بدنك والجميل مرورك

دمت بحفظ الرحمن