|
فرحة وطن
السلام عليكم ورحمة الله وبركاته
يسعدني ان اشارك بهذه المسابقة التي دعا لها الشيخ محمد بن ناصر بن راجح والله يطول بعمره وهذه مشاركتي
يامنتدى العز دايم للوطن وافي = تنهج منا هيج قومك في مباديها حنا البدارين قومٍ فعلنا ضافي = نفخر بكل العلوم اللي نسويها قومٍ رقى صيتنا في كل مشرافي = من حاضر الوقت والدنيا وماضيها في حزة السلم مثل البلسم الشافي= في حزة الحرب نارٍ من يصاليها عون الملك والبلد مانقبل انصافي = واكبر دليل التحدي في معانيها مسابقة بالقبيله مالها اوصافي = صوت بها الشيخ ابوناصر ويحميها فرحة وطن بالوجيه البيض تنشافي = صدق المشاعر تبين صوت مهديها ابيات تشمل سلامة ساتر الحافي = درع الوطن خادم البيتيين بانيها وين انت ياللي تجيد وتنظم القافي = ابيات شعرٍ تبيض وجه راعيها كلٍ يصوغ الثمينه يطلع الخافي = كلٍ يجيب البيوت اللي ينقيها فزيت من مرقدي طشيت بالحافي = وسجيت رجلي مع الديره وهاليها شفت الجزيره عروسٍ تبهر اللافي = وتعانق الكون والفرحه بدت فيها سمعت كل المدن فيها تغطرافي = فرحه كبيره ولاادري كيف احليها لقيت عودٍ سجد ويقول ياشافي = الحمد لك يا عزيز الملك منجيها زال المرض والحزن والشر ياكافي = حل الفرح بين قاصيها ودانيها سلامة اللي كفلها حضنه الدافي = سلامتك ياوريث المجد نشريها العين فرحت بعد شفناك متعافي = هلة دموع الفرح والسقم معميها حبٍ سكن بالحشاء والقلب ميلافي = ماينزع لو تروح الروح يحويها انا اشهد انك ملكة اقلوبٍ انظافي = بالعدل والحكمه اللي ما تخليها تدري عن اللي يكدر جونا الصافي = ذكرى غيابك يسم القلب طاريها |
صح لسانك ,,,,, وفالك التوفيق
|
الاخ صنت
دائما مبدع القصيده اكثر من رائعه استمتعت وانا اقراءها مشاركتك بحد ذاتها قمه وروعه لا عدمناك لك الود |
الشاعر صنت البدراني وعليكم السلام ورحمة الله وبركاته صح لسانك وبيض الله وجهك
الشاعربدرالبدراني |
صح لسانك ياصنت
قصيده رائعه تمنياتي لك بالتوفيق تحياتي وتقديري |
صح لسانك الاخ صنت وبيض الله وجهك
لك فائق التحية والتقدير |
صح لسانك ياصنت وبيض الله وجهك 0000
00كما نشكر راعي المسابقة الشيخ محمد بن ناصر البدراني0000 اتمنى من اللجنة الموقره انتقاد من ناحية القوة والضعف للقصيدة وتوضيح ذلك للشاعر والقارئي حتى يتسنى لنا معرفة التقييم ووضع ترتيب القصيدة ومدى قصور الشاعر ومدى تفوقه لان اللجنة مطلوب منها توضيح جزالة القصيدة وصاحبها واخفاقها في المعنى 0 اشكر اللجنة الموقره على تقبل وجهة النظر 0000 |
اقتباس:
يعطيك العافية أبو خالد بالتأكيد سيتم مناقشة اي قصيدة ترد للمسابقة ومعرفة الجوانب الايجابية والسلبية وسوف يتم تقييم القصائد حسب شروط المسابقة واستبعاد القصائد الغير مناسبة من ناحية الوزن والقافية والهدف وننتظر مشاركات شعراءنا عاجلا ... لك فائق التحية واتلقدير |
السلام عليكم ورحمة الله وبركاته
يسعدني ان اشارك بهذه المسابقة التي دعا لها الشيخ محمد بن ناصر بن راجح والله يطول بعمره وهذه مشاركتي
يامنتدى العز دايم للوطن وافي = تنهج منا هيج قومك في مباديها حنا البدارين قومٍ فعلنا ضافي = نفخر بكل العلوم اللي نسويها قومٍ رقى صيتنا في كل مشرافي = من حاضر الوقت والدنيا وماضيها في حزة السلم مثل البلسم الشافي= في حزة الحرب نارٍ من يصاليها عون الملك والبلد مانقبل انصافي = واكبر دليل التحدي في معانيها اولا اشكر الشاعر صنت البدراني على مشاركته واستجابته القصيدة جزلة ورائعة ومكتملة في معناها ومبناها وموافقة للشروط من حيث عدد الابيات وقافيتها ووزنها وترابط افكارها .. نص شعري مليء بالصور الشعرية الراقية بدا الشاعر القصيدة بتمجيد منتدى القبيلة والفخر به والفخر بقيلته البدارين في البيت الثاني وبكل العلوم الطيبة التي يقومون بها واسترسل في الابيات اللاحقة بالفخر بالقبيلة في الزمن الحاضر وفي الزمن الماضي ويحق لاي شاعر ان يفخر بقبيلته ويمجدها وقد اتضح في البيت الرابع وصفه لهم انهم كالبلسم في حالة السلم ووصفهم بقوة النار ولهيبها في حالة الحرب وكذلك انهم عون للمليك يحفظه الله تعالى واكبر دليل هذه المسابقات التي تقام فرحا بعودة المليك سالما معافا ...
مسابقة بالقبيله مالها اوصافي = صوت بها الشيخ ابوناصر ويحميها هنا تكلم الشاعر عن المسابقة وعن راعيها الشيخ محمد بن ناصرفرحة وطن بالوجيه البيض تنشافي = صدق المشاعر تبين صوت مهديها ابيات تشمل سلامة ساتر الحافي = درع الوطن خادم البيتيين بانيها وين انت ياللي تجيد وتنظم القافي = ابيات شعرٍ تبيض وجه راعيها كلٍ يصوغ الثمينه يطلع الخافي = كلٍ يجيب البيوت اللي ينقيها وانه سوف يتضح من خلال هذه المسابقة مدى صدق المشاعر التي تتضح من خلال مشاركات هذه المسابقة ويسترسل الشاعر في الفخر بالملك وبمواقفه من الفقر ودفاعة عن الوطن حيث انه درع لهذا الوطن وهو خادم البيتين وهما الحرمين الشريفين ويشجع اخوانه الشعراء ان ينضموا الشعر في هذه المناسبة الغالية وكل يطلع الدرر الثمينة ويصوغها ابتهاجا وفرحا ..
فزيت من مرقدي طشيت بالحافي = وسجيت رجلي مع الديره وهاليها شفت الجزيره عروسٍ تبهر اللافي = وتعانق الكون والفرحه بدت فيها سمعت كل المدن فيها تغطرافي = فرحه كبيره ولاادري كيف احليها لقيت عودٍ سجد ويقول ياشافي = الحمد لك يا عزيز الملك منجيها زال المرض والحزن والشر ياكافي = حل الفرح بين قاصيها ودانيها سلامة اللي كفلها حضنه الدافي = سلامتك ياوريث المجد نشريها العين فرحت بعد شفناك متعافي = هلة دموع الفرح والسقم معميها حبٍ سكن بالحشاء والقلب ميلافي = ماينزع لو تروح الروح يحويها انا اشهد انك ملكة اقلوبٍ انظافي = بالعدل والحكمه اللي ما تخليها تدري عن اللي يكدر جونا الصافي = ذكرى غيابك يسم القلب طاريها وفي هذه الابيات اتضح تسلسل الافكار والتطرق لمأثر خادم الحرمين الملك عبدالله بن عبد العزيز ومدى حب شعبه له لانه حكم بالعدل والحكمة وانه لن يكدر صفونا الا غيابه عنا . أتمنى التوفيق والسداد للجميع |
ابو ناصر جميل نقدك للقصيدة وتسلسلك لتفنيد القصيدة شطر شطر هنا يكمن التحكيم الجيد فهذا ليس غريب على ابو ناصر شـكــ وبارك الله فيك ـــرا لك ... لك مني أجمل تحية . كما اتمنى ملاحظة الشعراء المحكمين الاخرين للمسابقة 00000
|
بسم الله الرحمن الرحيم
الشاعر صنت عوض البدراني قال وجاد القصيده مكتمله من حيث المعنا والمبنا ولاتعارض مع الاخ عبدالمطلوب مبارك البدراني بما قال حول التفاصيل له الشكر القصيده عشرون بيتا (20) البيت الاول بكل فخر يشيد بالمنتدي ووفاه للوطن وهومنتدى البدارين البيت الثاني- الثالث-والرابع- الخامس يتكلم الشاعربفخر وعتزاز عن قبيلته قبيلة البدارين وعن امجاد القبيله حاضرا وماضي حيث قال اننا بالسلم مثل البلسم الشافي وفي حزت الحرب نارا محد يستطيع القرب منها البيت السادس- السابع تكلم عن المسابقه وعن تفاعل ابنا القبيله وعن الشيخ محمد ابن ناصر ابن راجح الراعي للمسابقه والداعم وقال انها انها فرحت وطن حقيقيه توضح على الوجوه ونحنو اهل المشاعر الصادقه اتجاه الملكك عبد الله ابن عبد العزيز اطال الله عمره البيت الثامن هاذي المسابقه الشعريه تعبر عن الفرح والسرور ولابتهاج في سلامة خادم الحرمين الشريفين درع هاذا الوطن البيت التاسع -والعاشر يقول وين الشاعر المتمكن الذي ينضم القاف ويجيد الشعر يتقدم لاتنافس الشريف قدامه الميدان البيت الحادي عشر- والثاني عشر-والثالث عشر يقول الشاعر انا توهاضة قريحتي وطربت لنظم الشعر لنه بمولاي خادم الحرمين الشريفين الفرحه كبيره يصعب التعبير عنها البيت الرابع عشر- والخامس عشر-والسادس عشر يقول انني شفت من كبار السن يدعون الله العلي القدير ان يطول بعمر ابومتعب ويلبسه بلاباس العافيه البيت السابع عشر يقول هلت دموع الفرح وقت شفناك بخير وعافيه لنا قبل بكدر وحزن البيت الثامن عشر -والتاسع عشر يقول الشاعر غلاك يابومتعب راسخ بالقلوب ومحبتك ثابته في نفوس شعبك البيت العشرون يقول تدري يابومتعب وش يكدر صفوت حياتنا حين نذكر غيابك شاعر ياصنت بيض الله وجهك ايوه الاخوه اطلب منكم العفووالسموحه عن الخطا الغيرمقصود الشاعربدرالبدراني |
الشاعر صنت البدراني
صح لسانك وفالك التوفيق ان شاء الله |
| الساعة الآن 07:52 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
