|
عقيل السامود ،، مساعد ضعيان ،، جمال فهيد ,,جزاع السامود ,,سالم المخلفي
السلام عليكم ورحمة الله وبركاته أسعد الله أوقاتكم بكل خير أضع بين أيديكم قصيدة للشاعر الكبير / عقيل بن حمد السامود البدراني ، وكذلك مجاراة كلاً من الشاعر / مساعد ضعيان البدراني والشاعر / جمال فهيد البدراني والشاعر/ جزاع عقيل السامود والشاعر / سالم عوض المخلفي للقصيدة . يقول ,, عقيل السامود
الـشـعـر دونـــه حـمــا والــــدر دونــــه حــمــا=والبـحـر مــن يغطـسـه والــدر مــن يلـمـسـه الـشـعــرلــه ذوق حـــلـــو ومــــــر ومــحــرمــا=الحـلـو اجـيـبـه وخـــل الـمــر فـــي محـبـسـه الله يـغـربــلــك يـالـمــســة لـــســــان الــجــمـــا=ضــوت لـهــا كلـمـتـن مـــن قـدمهـا مـرمـسـه بـعــض الـريـاجـيـل لازهــــب ســلاحــه رمــــا=اتـصــيــب ولاتـخــيــب الـطـلــقــه الـمـفـلـســه وإن كــان جتـنـي هـديـه مــن يـديـن اكـرمــا=لاجـتــنــي امـخـمـســه تـاتــرجــع امـســدســه اعرف عدود الروى وعرف رسوس الضما=مـانـي مهـنـدس ولا كـــن خـبـرتـي هـنـدسـه عــــد الــــروى كــــل مـاكـثــرت وروده زمـــــا=والـــرس لاخـضــه الـغــراف خـــض ايـبـســه مــادام عيـنـي تـشـوف البـيـض يــم الـسـمـا=ثوبـن ماهـو مـن مقاسـي مستحيـل البـسـه ياكـثـر حــذري مـــن الـــدب النـشـيـط الـعـمـا=والـحــيــه الـزاحــفــه والـعــقــرب الـمـسـلـســه الله خـلــق لـرجــال مـــن الـرجــال أخـصـمــا=والشـعـر لـه مـوهـبـه والـعـلــم لــــه مــدرســه وهذه مجاراة / مساعد ضعيان البدراني
حطيت ميسمك وسط النار لين احتمـا=ياقشر حض الغشيم اللي يبـا يلحسـه ياعـود غيـر الجبـر ماعـاد فيـه ازعـمـا=ايـامــك الـلــي تبـيـهـا عـــوج ومـقـوسـه الي علـى سـاس شيدهـا وصـب الغمـا=يضحك على اللي بناله بيت ماسيسـه انتـه وأنـا ياعقيـل نعـرف اهــل ضـرمـا=بس انت يالنرجسـي ماتتـرك النرجسـه يامـدور الـدر عنـد اللـي يـمـص الـدمـا=ياقـشـر حـضـك ويـاغبره ويامنـحـسـه لـكــن جــــرب وســــوق الـقـافـلـه ربــمــا=الـلــي عـبـاتـه مـتـيـن الـبــرد مايـونـسـه امــا وجـــاه اصـدقــا ولا وجـــاه اغـرمــا=صـــدام لاضـــاق بـالــه لــــد لـمـسـدسـه خيل المرازيق غـارة فـوق خيـل ادهمـا=ياقـوم ياللـي مـع الساقـه يعـن افـرسـه وشعيل حمله ثمـان اطنـون مالـه كمـا=كسر ظهور الجمال اللي لها هجرسه وهذه مجاراة / جمال فهيد البدراني
حي القصيــــد الجزيل المدغم المبهما=اللي شعــــاني سنـــاه وشــاقني مقبسه وحي اللبيب الحصيف الحاذق الملهما=اللي يعشـــق الثميــن ويكـــره البربسه عودٍ على أرض النشيــده يعتبر معلما=ماتنتجـــاهل طــــروقه ياهــل الدنفسـه إليــا تمثــل وغنــا للمثــــل يحكمــــــا=يلبـــس جـديد المثــــــايل دره وسندسه ياعود صبخــا الأراضي نبتها مانمـــا=خســران ياللي بثراها السكــري تغرسه وخسران ياللي تحط النكث لك محزما=النكث يبطـــــل عزايم من يبا النومســه تبت يدين الهــــلامه لو صهل وارهما=عنا المهـــــار الأصيلـه وانكفت مفلسه مابشــــرت بالمحامل ناقــــــة المعدما=وماوفت الواجبــــات الشلـــه المبلســه قلت الكلام الصحيح وبالســـلام أختما=واللي مضى يالسنــافي بالمزيل اطمسه وهذه مجاراة الشاعر جزاع عقيل السامود
حي الكلام الجزيل اللي مجاله سما=حقيقة بينه وانوارها مشمسه كنه سحاب من الوسمي خياله هما=انعش قلوب على الابداع متحمسه من دور المعرفة من عند غير حكما=لا يامن انه يضيع بليلة مدمسه حبكة خبير المعاني قوله المحكما=خلا قليل المعرفة تدخله وسوسه ياعل عمره يطول ويغنم ويسلما=الهزل مايكتبه والحق ما يطمسه الجزل ما يطلع الا من صدور اعلما=والا صقور على الجزلات متفرسه وابليس يجري مع العالم مجاري الدما=يدرس الشر والا الخير ما درسه بعض البشر في يدين الناس مثل الدما=سنون بيضا لكن قلوب متسوسه وهذه مجاراة الشاعر سالم عوض المخلفي
الشعر دونه حما والـدر دونـه حمـا=وسور الحمى دون بيبانه عيون احرسه لو من على الدر في وسط البحور ارتما=ماواجـه الا سلاحفـهً لهـا نقـرسـه كل البشر صار في غوص البحور علما=اللي عرف يسبحه واللي عرف يغطسه الشعر مر وحلو والحلـو لـه منجمـا=ماهو على كيف من حاول يدن جرسـه ياعقيـل المفـردات الساميـه كلـمـا=شاهدتهن بين ابـو عـرام ومدرسـه ذكرت وجه الزمان الشاحـب المجهمـا=وذكرت دور العزيز اللي فقـد مجلسـه واللي يخلط العلنـدا مـع لذيـذ النمـا=وما طب بيدين مخدوش المذاق مرسـه مالك معه لا مسـار ولا جـذور انتمـا=ان سار بالدرب مثل الناس ولا عكسـه الذل لـه منحـدر والعـز لـه سلمـا=ولمسه سنون الحنش ماهي مثل ملمسه واللي يرز العلـم بالشـارع المضلمـا=يوميـن ولا ثـلاث ايـام وينكـسـه وهذه قصيدة المجاراة للسامود : الشاعر عبدالمطلوب البدراني
اعجبني القاف والمعنى وانا مغرما = باللي يجيب المعاني رمز ومسيسه واذا عوى الذئب ضجت له سباع قرما = وما فيه ذئب يمر الحمل ما يفرسه والشعر له وقفةٍ يجي لها ملزما = وللدر غواص شاطر ما يخيب احدسه والشعر له ذوق والمبدع بشعره سما = ودخان راع اللحام يقال ما يعمسه يا عقيّل انته خبير الناس ماهي علما =وما كل من يحمل البندق عرف مترسه وما كلْ مِن يبَدعون الشعر ناس فهما= السائق اللي غشيم إنْ مر شيء دهسه ما اقول أنا يا ابن عمي شاعرٍ ملهما= الكيف ما اتقن سواته كل من يحمسه لكن لي تجربة شاعر وعرف حكما = واشوف كلٍ الى ليلاه عنّ فرسه السيل يتبع طمان الارض معها طما = ولا العلالي بعيد ودائما مشمسه ختامها ياولي العرش لي ترحما = وترحم ذنوب البشر بالاثم متغمسه |
صح لسانك يا فهد وصح لسان الشاعر الكبير عقيل السامود
ابيات ملئية بالشعر الجزل والرائع والممتع والنادر قد امتعتني جدا جدا وصح لسان الشاعرين مساعد بن ضعيان وجمال البدراني مجاراة رائعة جدا بيض الله وجيهم وما قصروا والى الامام يا ابناء العم ... |
ووجهك ابيض
يا استاذ عبدالمطلوب بلاشك لدينا قمم شعر تستحق التكريم والاشادة ولعل الابرز الاسماء الثلاثة اعلاها |
|
الاخ / فهد
يعطيك العافيه على النقل صح لسان الشاعر عقيل السامود صح لسان الشاعر مساعد ضعيان صح لسان الشاعر جمال فهيد تحياتي خالد |
بسم الله الرحمن الرحيم شعرائنا ابدعوا فيما قالوا والشعر فعلا هذه الايام رغم انه فى ذروة عزه الاعلاميه الا انه اختلط الحابل بالنابل والغث بالسمين، والشعر والشعراء لايمكن لاحد ان ينكر قدرهم ومقدرتهم فكل شاعر كان عباره عن وكاله اعلاميه متحركه ولسان خال عصره واحداثه. وانامن يعجب بقصائد المجاره والرد لانها لها هدف محدد وموضوع مضمن بين الشعراء فمااقول الا صح السنتهم جميعا وبيض الله وجيههم فهم اهل للقول والفعل وهذه شوارد من القصائد المعبره
الشعر تاريخ(ن) لنا من مبطي=واعلامنا يوم السنين نهابه الشعر بيت(ن) والوزن عمدانه=معناه طنب وقافيته حجابه الشعر واد فيه صيد(ن) واجد=وكل على الوادي يهج ركابه والافكار صيد وكل شاعر قانص=وكلن يدسم شاربه مخلابه احد(ن) خياله حر واحد(ن) وكري=واحد(ن) خياله كوبجن بقطابه وانا خيالي كل ماهديته=حول على الوادي وصاد عقابه قصيدة من الزلامي الى ابن بديع حول هذا الموضوع
تعبت ماباقي من الجهد قيراط=دفيتها لين ابركت في النصيفه -في رحلةِ مابين تموز وشباط=عنوانها واضح بصدر الصحيفه راحت سدى باسباب تفريط وافراط=واستنزفت دم القلوب النظيفه لوكنت من شيد حضارات الانباط=فوق الجبال الشامخات المنيفه ولو كنت بالحكمه منافس لسقراط=باح الكلام , وصدرتبي امعيفه طال الزمان وجرح الايام ماخاط=ينزف وعيا لايوقف نزيفه فقدت وقفات السدارى هل الغاط=اهل المواقف والنوايا الشريفه الياطرى لي شخص ابوزيد , تنساط=كبدي ,,وقلبي مايهود رجيفه وقدام يدخل خاطري ياس واحباط=او يقتحمني سيل وادي حنيفه افزع وناد الهاجري وابن شلحاط=ومدغم وابن قضعان وايضا ابن ريفه ولابد لك بمحمد الذيب تحتاط=يكفيك عن عنتر ورمحه وسيفه انا بذلت الجهد في كل الاوساط=لكن دنيا خاتمتها ضعيفه ماتصفي الا مع منافق وخراط=ومعوقِ باقي لجده خليفه رزقه حرام ولايجي غير نقاط=وغير النذاله مالقى له وظيفه يجعل يلقطهم من القاع لقاط=ومن الغضب تنزل عليهم قذيفه تضرب جماجم روسهم ضرب مخباط=لين الوليف يقوم يلعن وليفه ورد ابن بديع
قلت الزلامي ماخذِ كل الانواط=حسان الأول ، والزلامي وصيفه -صفت له ابيوت الشعر صف ضباط=وتاتي قوافييه على كيف كيفه لو كان شطر عشرة احروف وانقاط=مثل المخيل اللي غزير قنيفه سندت للغطغط وحدرت لرهاط=ويانعم بالشاعر ونعمِ بقيفه اللي لهم في غبة الحرب مقلاط=على الرمك وملاعبات السفيفه والحين ياللي شعركم غنج واهياط=وين الحرير القرمزي والقطيفه اليوم صارت ريحته ريحة اشياط=دام اجتمع مشهاب نارِ وليفه قصيدكم ملى ملفات واشناط=بس الوكاد انه قصيدِ نعيفه لو تدخلون القدس من باب الاسباط=حياتكم فيها حياةِ كسيفه واللي نكب لبنان وليد جبلاط=والمشكله حزب السياسة حليفه يا بو جميل ، العلم من دون فقاط=ما تعرف اهل العزم حاجه كليفه ابشربنا حنا قويين وانشاط=حتى ولو ان المزاهب خفيفه ولا نقول ابنسبق الريح ببساط=ولا بنطلق شوف عينِ كفيفه والآدمي وان عاش حياته انماط=فيها الليال الهينه والعنيفه اللي ما دامت لهل بابل والاسباط=قد قالها النعمان ابو حنيفه ومن دون ذي الخلصه ومن ذاتا انواط=الله جعل للناس كعبه شريفه ذكر نبي الله للساعه اشراط=وفي هالزمن قد بان منها نصيفه والكل يخشى يالزلامي ، ويحتاط=والله يغفر .. عند نشر الصحيفة ورد ابن الذيب
ولكل شوط سابقه ياهل الاشواط=وانا معا رشيد ماني رديفه لاتجذبك شرد القوافي وتشتاط=وانته رشيد اللي علومك طريفه كانك على اهل الشعر بتعد الاغلاط=مانته بناعم في الحياه المريفه من الوطوايط ابيبلشك وطواط=جناحه اطول وجنوبه رهيفه ويولع البرميل من عود مشخاط=لوكان عيدان المشاخط نحيفه انعرف ابو واطين وانعرف ابو وااط=وانارة الثاني تراها ضعيفه مانته مثل موسى لكن حن لك اسباط=وانفوسنا لمناوشاتك عجيفه وبغداد لازالت اذا جاز الاسقاط=تقول هارون الرشيد الخليفه والثانيه يالغاط واللي ورى الغاط=رشيد نياته تراها نظيفه ليتك تشرط يالعتيبي تشراط=وانا لعسرات الامور الكليفه امن الذهب لو مامتلك غير قيراط=بيني وبينك قسمته بالنصيفه فرقتي قدر ومحبه ومسفاط=فرق السهل عن الجبال المنيفه وشعر اللحى ماهو مثل شعرة الباط=الثانيه وسخه والاولى نظيفه ولاني بحب امغط العلم مغاط=رديتها جزله ولاهي كسيفه وطرشت لك فكسار ماهو بالاقساط=ومن الطلاق ان النوايا شريفه ماني بتاجر ادبل الغاط بالغاط=ولا اجمع الدينار وانا حليفه لكن في امثال العرب قبل الاقباط=قد مات ابورغيف ماكل رغيفه وانا نمط شعري ماهو مثل الانماط=خذته مراجل ماخذيته وظيفه - رد الشاعر / سلطان الهاجري
شوط الزلامي جر له عدة اشواط=وعرض سماري الجيش حزم وحتيفه -سندبها منا اليا وادي ارهاط=وحدربها تومي عليها السفيفه واهدت له الدوله من خيار الانواط=وبطله اثليم المسمى مضيفه وصفت له الدنيا عساكر وضباط=وعين الرضى عن كل عيب كفيفه يوم العرب كانوا قووين وانشاط=وديارهم في كل عام مريفه واليوم راحت كنها خيط مطاط=وراعي العسيف ازرى يروض عسيفه تخبطوا في المهبل تخباط=وصاروا سوا راعي الشداد ورديفه يابوجميل ارسالتك راس مشخاط=ومظرفه في عود سمره وليفه ومضمونها بس اربع احروف وانقاط=ياثقل معناها لو انها خفيفه تنجح لحم وتشعوط الروس شعواط=يعني حريقه والحرايق امخيفه مخطوطة ِ ماخطها كل خطاط=الا انت ياللي مفرداتك عنيفه لو ربطت كل الشياطين برباط=ماشالت الانفس اذنوب كليفه اقلط ولك في مجلس العز مقلاط=واللي مايعرف كيف خله بكيفه واسلم عدد رحلات تموز واشباط=مالاح براق يشوق رفيفه ومايسكن الطائف من جعيد وسواط=والي هنا ماعاد عندي ماضيفه هذا رد الشاعر / مانع بن شلحاط
كلن لقرصه حاش جمره بملقاط=ما ظل لي ما يشعل اعواد ليفه -شاعر ولي منهج ومبدءومقلاط=ونفسي لجمهري خضوعِ وليفه عايش بخير ولا عليّ نقص واقناط=بسم السعودي وابن زايد خليفه بين التميمي مجلسي وابن مواط=والشيخ جاسم لا لحقني كليفه وارتب الساعه بلسعات الاسواط=بعداذن منهم يحتمون السقيفه اللي تساعدني بتعديل الأغلاط=جزاه من يحسب على الشعر غيفه صوت الزلامي يوقض الفاهي الغاط=شعفِ يرج اهل القوافي وحيفه على نمط وترد له كل الأنماط=حيث البروز منين وجه حليفه يشري بكاش وما يعامل بالاقساط=ساع الفقير يقوم يمضغ رغيفه ابو جميل اعتاظ من عقب الاقباط=قوم العوالي في الديار المريفه ربعِ خذوا في نجد صولات واشواط=وجاوا الحجاز وخر بره وسيفه داواء جروحِ صكها ريحة مشاط=ببيوت شعرِ مبهرات طريفه أستدغم الشعار من تحت الاباط=والخنجر المسنون بسفل شفيفه رشيد متحرفن بتزوير الابناط=وعن كم بشته كل عين كفيفه لو تحدر الشعبان مايحدر اوراط=ايسند الحاله ربيعه وصيفه اختار له خمسه وجاء عنده اسقاط=في الأحتياطي يوم برك عسيفه وجاء الاحتياطي خير من ينزل ارهاط=لوِ ان رشيد أهوى عليه برهيفه يوم انه قال بسادس الربع تحتاط=ما قال عن عنتر بشعره وسيفه لكنه قال بسادس الربع تحتاط=يكفيك عن عنتير ورمحه وسيفه جرده من شعره على شاش شمشاط=هروج عود(ن) ما يمد الكسيفه والسادس اصبح خير من رز قسطاط=وانا مع الخمسه وانا اخو لطيفه ولكم خالص الود |
عبور مميز استاذ عادل البدراني
وشعراؤنا جديرون بالثناء شكرا لعبورك طال عمرك |
الاخ فهد اضافة جميلة لاولئك الشعراء
جزاع السامود وسالم المخلفي شعراء كبار من منضومة شعراء القبيلة وهم كثر ويستحقون التقدير والاشاده والى الامام وبارك الله فيك لنقل تلك القصائد لمجاراة الشاعر عقيّل السامود تحيتي وتقديري |
شكرا لعبوركم جميعا
|
| الساعة الآن 01:55 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
