![]() |
ياطول صبري
ياطول صبري على لاماك يالغالي = صبرت صبر النبي يعقوب لعياله يوم اشتكى للولي والدمع همالي = صبرٍ جميلٍ على الاحوال والحاله صبرت مثله عليك وشفت غربالي = شفت الجفاء والوصل مقطوعه احباله وانا معك ضاع جهدي بالخلا الخالي = حالي معك من سهوم الهجر يرثاله صوبتني في دلالك ياهوى بالي = حرمت قلبي لذيذ اللي تهياله جاتك مراسيل عشق بغير مرسالي = لكن خابت ضنون القلب وافعاله اعطيك فرصة عمر لكن ماتبالي =ايامك البيض صارت فيك حياله غرك زمانك وشمت بوقتك التالي = نسيت وقتٍ مضى والهجر تسعاله ضيعت فرصة امل ونهيت الامالي = قلبك تكبر وضاعت غاية اماله عليك مالي حسوفه طرت بالعالي= قلبي معي وانت قلبك ذاق سلاله خلاص لاتنشغل في رقم جوالي = ريح ضميرك بلاش يزيد غرباله ماني سجين الرموش اللي لها ظلالي = حلفت انا مانحني للرمش وظلاله قال المثل ينعرف للخيل خيالي = والمشكله من عثر بالخيل خياله سلمني الله على حلي وترحالي = وانته عسى ذنبك المكتوب تشتاله |
الشاعر صنت البدراني
صح لسانك انت من الوزن الثقيل وتفنن بنسج القصيده وتضع لمسات فنيه على القصيده وسلوب هادي نستمتع بقرايه قصايدك لك الاحترام |
الشاعر صنت عوض البدراني
صح السانك يابو عوض الشاعربدرالبدراني |
الشاعر صنت البدراني
صــح لسانك تحياتي لك |
صــــــــــــــــــــــح لسانك
|
صح لسانك وبيض الله وجهك
|
بسم الله الرحمن الرحيم
كم انت رائع اذا تجلت فيك اروح الابداع وتسابقت الاحرف لتكون سحابة هماليها تصل الى قلوبنا لك الود |
الشاعر عبدالله منور تشرفت باطلاعك وشهادة اعتز فيها من شاعر مبدع لك تحياتي
|
شاعرنا القدير بدر راشد صح بدنك تشرفت بحروفك النيره لك تحياتي
|
الشاعر القدير ضيف الله تشرفت باطلاعك لك تحياتي
|
الاخ العزيز المبدع دائما بحضوره واهتمامه بكل مايفيد ويطور منتدى البدارين شكرا لك اخي تركي الزايد لك تحياتي
|
الاخ غانم وجهك ابيض وصح بدنك لك تحياتي
|
هلا وغلا يابو عبدالله الحقيقة كلام يرفع الراس من اعلامي قدير وهذا يزيدنا على انتقاء الافضل لك كل التقدير والاحترام
|
شـاعرنا ومشرفنا ,,_ صنت _ ,,
صح لساانك وبيض الله وجهك ., ابداع ولاهو غريب عليك الابداع |
الشاعر صنت البدراني
صح لسانكـ قصيدة طيبة ومعبرة ,, لكـ الود |
صح لسانك قصيدة جميلة من شاعر رائع
|
صنت يرحم الله البطن اللي جابك صنت طابك الله والطيب في جدانك صنت اعتلى الله من نيتك وزان شانك صنت دلك الله والفطانه على لسانك صنت عز الله إنك ذيب أنت وخيالك صنت حماك الله من كيد كل عدوانك |
الاخ الغالي صنت البدراني
صح لسانك وعلا شانك وبيض الله وجهك قصيدة رائعة روعة حضورك لك فائق احترامي |
الساعة الآن 11:38 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
![]() |
mamnoa 4.0 by DAHOM