عسى السحاب
عسى السحاب اللي هبوبه تسوقه من المناشي ساقته واحدرتبه في قدرة الوالي ولاهي سبـــــوقه ذعذاع نودن رافقت وارفقتبــــه والى كسا وجه السماء في صدوقه شوفه يسر العين لاناظرتبـــه يرزم رعود ولابنوه فتوقـــــــــــــــه عقب الظهيره والمزون ركمتبه ومع المسا في كل وجه بروقــــه قامت تكاشف بالدجا واسمرتبه سيله على روس العدايم دفوقه من دون ضرّى والديار بخصتبــه وديّم الديمه وتلحق لحوقـــــــــه الى نشف روس العدام اوجهتبه تأخذ يالين الفجر نوره يسوقــــه مسيول غائم والهواء ذعذعتبــــه جوه يشوق للقلوب العشوقـــه اللي قدوم الخير مستبشرتبـــــه اسبوع والباذر تغذىّ عروقــــــه والارض نبت امطارها صدّعتبـــــــه اسبوع بعده ثم تبيّن فروقـــــه تشوف فيه العين من كل عشبـــه يرتاح راع النوق لاشاف نوقــــه مربعه والدار مستانستبـــــــــــه واللي يحب البر باله يروقــــه شوف الطبيعه للعيون ظهرتبــه ابوتركي حمد البدراني |
حياك الله يابو تركي
وصح لسانك وبنانك جزلة من جزل... تحيتي |
اقتباس:
الاخ الغالي والشاعر العذب ابو تركي اهلا ومرحبا بك في منتداك وبين ربعك تفيد وتستفيد قصيدة في منتهى الروعة مكتملة في معناها وفي مبناها صح لسااااانك مليوووون ولا يكفوووون لك التحية ووافر التقدير والاحترام |
مرحبا بك مليووون يابوتركي وصح لسانك ولاهنت قصيده جزله ابدااااع احترامي وتقديري |
الاخ ابو تركي
يامرحبا فيك ونورت المنتدي بحضورك وقصيدتك الرائعه لك الود |
الساعة الآن 01:50 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM