ياللي توايق خل تكفى الموايق =تراك لا وايقت جتني غشيا
واكيد لا عاينت وانته تهايق = اروح يم العيد ماني هنيا
ماني على ماقيل فيك انت بايق =زليت بلساني وجبته كذيا
عن كل خلق الله ماعاد انت سايق =والعلم لولا اسماه مابه سميا
وحب بلا برهان ماله حقايق =يصبح سراب اوهام لعبة عميا
ابي معك لو بس خمسة دقايق = في غيبة الحساد ماهو هنيا
والفرصه اللي ماتجي وانت رايق =يالله عسا ياصاحبي ماتهيا
حاولت اهيئ في جميع الطرايق = ياصاحبي في كل دعوه تهيا
فانت الذي من بين كل الخلايق = مليت عيني ياطليق المحيا
اجيلكم مشتاق والشوق شايق = واورح ساري ومقصدي ماتهيا