الطيب
الطيب يرفع صاحبه للثـريّا ****لنه جبله فيه في دمـــه ايسير والى زهــمتـه باللـوازم تـهيّا **** ماصد عنك ولاعطاك المــعاذير يبذل جهوده وايتقاصا الحميّا *****وايزود طيبه ماحسب للمخاسير هذي صفاتن من صفاته شويّا ****وان زدت فيهن يقصرن التعابير يظهر زمانك للـدهاة البـريّــا ****ماغطهم واستاقــهم جملـــة الغير مثل النـجوم الي بوقت العشيّا ****زينة سـماء وادلل النــاس للسـير شرواك ياللي باللوازم جديّا **** يظهر بوجـهك للسـعادة تـباشـير والا الردي تثني عزومه ثنيّا ****تكسـر عظامـه عن الطيب تكسير ما هــوبـحسي مــعنوياً جليّا ****تهـب تسـكن مثل صفق المعاصـير وان قلتله لازم غدى بالعميّا ****يصــك بيبان الرخـا والتيــاســير عسى علاقاته عليها الفنيّا ****لااشوف له وجهاً ولاارجيه في خير الرازق الله والبسيطة مديّا ****مع التـوكــل ماتضـايـق بـها الطيــر حمد بن منور البدراني |
صح لسانك ياحمد مليووون
قصيده جزله كتبت وابدعت احترامي وتقديري |
صح لسانك يابو تركي
|
الشاعر حمد منور البدراني
صح لسانك الشاعربدرالبدراني |
صح لسانك .. أخي العزيز / حمد بن منور قصيدة جميله بارك الله فيك تحياااااااتي |
الساعة الآن 01:30 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM