سلام صافي
سلام صافي صدق صادر من قصا حدب الضلوع= سيره على السنه مساره مثل حيد المسطره ينطق به مترجم فصيح ويدخل اللألباب طوع=على فضاء صدري تواصل والقناه مشفره إن قلت مليان ن محبه قلت لك ماني قطوع= وإن قلت بالغيظ أزدحم قلت البنادم وقدره يضفي على أرجال الوفا يقصر عن أوجيه التبوع= يحب خسم ورأس من بالضيق ربعه تنحره ويحب جبهة التقي اللي معلمها الخسوع= العابد الناصح بنية ذكر إن التذكره لن البنادم لاخلا من الدين ماطال إله بوع= والعمر زاد أيام والايام ممشاها شره ضيف أمس ودعنا وودعناه وامحال الرجوع=واليوم ضيف وموكب التشريف جاهز لسفره ذي البوادر والبوادر نوعها سبعين نوع= ووجهاتها سبعين وجهه وإن قطعت التذكره أركب على موج البحر لوهاج ياغواص قوع= وأستكشف أسرار البحور وكل كنز ن ببحره لاتقول ويش الفرق مابين اليسع هو واليسوع= ولاتنتظر تفسير حلم ن ماقدرت أتفسره ولا ترمي الأهداف شك وظن وأحفظ بالسموع= جهل البنادم في بعض لحيان عفو ومغفره وإلا الطفيليه توافد سبت وتغادر ربوع= ويلقون كل أدروب عكا بالوجيه مسكره مايردني خوف ورجا عن فتح خافية الصدوع= تردني حكمة حكيم ن ليت ماهو عنتره من يهدي العدوان شلفا ماتوقيها الدروع= تقضي بها العدوان دين ليا ألكزوها بظهره هذا الخبر يابو لهب تفوع وإلا ماتفوع= قيادك المفتول عندي والملفات اعشره حقايق ن معها دلايل شاهد اثبات الوقوع=ياثقل وزن الكلمه اللي غرغرت بالحنجره والناس تدري إن التجارب مثل سنبلة الزروع= وإن الضماير كان ماهي ظاهره مستتره |
صح لسان الشاعر السامود
وصح لسانك يا تركي لك فائق التحية والتقدير |
صح لسانك يا بن ذعار
ولســـــان شاعرها يعطيك العافيه |
الساعة الآن 02:09 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM