من تحت سلطة نظرة عيونه السود
الله يعين القلب في كل حالا=ويروف في حال المولع يابوسعود وراع المحبه كن يصلها صالا=ويذوق في دنياه لوعات ونكود من يوم شاف اللي عليها الدلالا=نظره وحيده دون قصدٍ ومقصود احتل قلب دون حق احتلالا=من تحت سلطة نظرة عيونه السود احتل قلبي والحقيقه تقالا=مثل الاسير محاكم بحبس وقيود صك البراءه فيه شيٍ محالا=وسيف العداله عند واليه محدود وردن عليه هموم قلبه تتالا= مثل خيالٍ داخله برق ورعود حالي مثل حاله همومي ثقالا= والحال راحت لين صارت كما العود من يوم شفت اللي كساه الجمالا= لعل هاكاليوم يالقرم مايعود من يوم شفت الزين عنق الغزالا=وشفت اشقرٍ من فوق المتان مكدود لوشافها عنتريجيه اختلالا=ولو قيس عايش قادته بالهوى قود زينه خيال وكل وصفه خيالا=والله مذكر لريش العين منقود هو جوهره بين الجواهر تلالا=وعلى الجواهر ماخذ النوف والزود هو القمر هو نور بدر الكمالا= هوجنة خضراء بساتين وورود هو الذي زال العقل لين زالا=هو الذي لو غاب بالقلب موجود هومسهر عيوني ليالٍ اطوالا= اسهر لون الناس نيام ورقود هو محرق ٍقلبي وفيّ الخصالا =هوالذي فكري معه دوم مشدود ضني يتمم لي بحسن الوصالا=وبذلت مجهودي ولا فادني فود ويست به لنه صعيب المنالا=وخاب الرجاء ودربي معه صار مسدود وكلٍ شهد له بالحسن والجمالا=وقع بخمس وخمس مع عشرة اشهود |
شاعرنا العزيز البدراني2007 صح لسانك ويعطيك الف عافية باقة ورد |
لوشافـهـا عنتريجـيـه اخـتــلالا *** ولو قيس عايش قادتـه بالهـوى قـود زينـه خيـال وكـل وصفـه خيـالا *** والله مذكـر لريـش العيـن منـقـود البدراني 2007 صح لسانك يالذيب على هذه القصيدة الجزلة ننتظر جديدك ........... تحيااااااتي |
اشكركم على المرور
يعطيكم العافية |
اين التفاعل
يا ابناء العم |
الساعة الآن 08:58 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM