مرثية: عوض بن ركيان بجاره ابن شقير الطريسي
بسم الله الرحمن الرحيم الوفاء سمة الرجال والجيره حق وواجب والطيب بين الاوفاء وقار ومنهج وهنا اقدم لكم مرثية عوض بن ركيان بجاره الغالي عليه محمد بن شقير الطريسي الحربي الذي انتقل الى رحمة الله وهو يتميز بالأخلاق الحسنه وحسن الجيره بيننا وبينه رحمه الله رحمتة واسعه
نايف يعزيني وانا مثل أعزيه =من غير نايف ناس ماني لحالي بجاري اللي راح ماني بناسيه =جار(ن) خذاه الموت والجار غالي عيني تهل الدمع الياحل طاريه= واليا طرالي ضيق الحزن بالي وجاري اللي له معزه ونغليه =حطوه في قبر(ن) طويل هيالي عشرين عام(ن) ماشتكاني ولاشكيه =ولافيه يوم(ن) يشتكونه عيالي حق(ن) علي الجار نذكر حسانيه =ونشيل من دونه حمول(ن) ثقالي مالوم عيون(ن) تبكي اليوم غاليه =ليا ذاق حزن مكدرات الليالي قاسيت مر الوقت وغيري مقاسيه =والعين ماتبكي على غير غالي ضيف الله أصبر يوم تجري جواريه= في دبرة المعبود رب الكمالي يالله عسى الجنه بعفوك ملافيه =وتغفر ذنوبه ياعزيز الجلالي تمت وانا تميت والرب واليه =وعلى نبي الخلق نختم مقالي الشاعر /عوض ركيان البدراني |
الاستاذ محمد جعيثن البدراني
نشكر ونقدر جهودك يابو عبدالله الشاعر عوض ركيان البدراني القصيده هاذي شيخت القصيد بما تحتويه من معنا صح السانك وبيض الله وجهك ياعوض ياعلم الله وبدون مجامله اني حفضتها حفض النها اعجبتني عشرين عامن لاشكاني ولاشكيه = ولافيه يومن يشتكونه عيالي اسال الله ان يرحم محمد بن شقير الطريسي رحمتن واسعه ويسكنه جنات النعيم الشاعربدرالبدراني |
صح لسان الشاعر عوض بن ركيان
ويعطيك العافيه يابو عبد الله تحياتي لك |
الساعة الآن 01:51 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM