مكارم الأخلاق
مكارم الأخلاق
الطيب لهل الطيب مثني ومربوع = أما الردي ماله من الطيب حاجه أمقوّله ماهي من أيام واسبوع = سلم العرب واجب علينا انتهاجه الناس فيها عدة أصناف وطبوع = فيها الأصيل وفيها ذاك الخماجه اللي من أفعال الأجاويد مقطوع = حرام ما يسوى جناح الدجاجة يا شين حاله والعقل منه منزوع = شتان بين العذب وبين الهماجه لا يقدّر الجيرة ولا يعرف ربوع = ولا من تكلم كل حكيه عواجه كل شي في حكمة محرم وممنوع = إلا الذي يقبل هواه ومزاجه هذا سقيم الفكر ضايع وموجوع = والفكر يصعب للمداوي علاجه والبعض فيه الخير للناس ينبوع = بفعل الكرم والجود وفلت حجاجه يسوى عدد ماله من عظام وضلوع = اللي لا جوه الناس زاد ابتهاجه نبت الوفا في داخله غرس مزروع = يثمر من خصال المكارم نتاجه يا ليت مثله بالخلايق له فروع = ياليت درب الطيب واسع فجاجه هذا هو اللي يا عرب حق مشروع = هذا الذي ودّه يزيد بنتاجه حديث في السنة مقرر وموضوع = موجود عند الترمذي وابن ماجه مكارم الأخلاق في الدين مطبوع = والعاقل اللي يجعل الدين تاجه = شعر /ضيف الله البدراني (أبووليد) |
الطيب لهل الطيب مثني ومربوع ........... أما الردي ماله من الطيب حاجه صح لسانك أخي الكريم أبو وليد ودمت مبدعا أخوكم سلمان الحجيلي |
اقتباس:
الأخ القدير سلمان الحجيلي صحة أبدانك وعلا شانك وشاااااكر على مرورك وتشرفت جداً بحضورك تقبل ودي وتقديري أخوك أبووليد ،، |
مكارم الأخلاق في الدين مطبـوع
والعاقل اللي يجعل الديـن تاجـه صح لسانك بدد بلا عد ختام اكثر من رائع للقصيدة |
اقتباس:
صح بدنك أخوي الغالي تركي شرفتني بمرورك تقبل تحياتي وتقديري ، |
الساعة الآن 10:09 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM